Categories

اعلان

Loading…

د کابل ــ اسلام اباد اړیکې او راتلونکې سوله/ ذبیح الله خورشیدی

دا ښکاره خبره ده که ولسمشر غني پاکستان ته له سفر کولو ډډه کړې وه د نواز شریف څېره او د اسیا زړه هېوادونو کنفرانس به له سختې ناکامۍ سره مخ شوی وای .

نو ځکه لومړي وزیر نوازشریف نه غوښتل نړیوالو ته خام ثابت شي نو د دې لپاره یې د افغانستان او پاکستان لپاره د امریکا د ځانګړي استازي په وساطت پر غني فشار راوړ چې د افغانستان لپاره په دې سیمه ییز کنفرانس کې برخه واخلي څو په دې بهانه دوه اړخیزه خبرو ته یو فرصت برابر شي چې اسلام اباد په کابل خپل بایللی باور بېرته ترلاسه کړي

ولسمشر نه غوښتل چې په دې کنفرانس کې برخه واخلي او یوځل بیا د پاکستان تشې ژمنې تکراري واوري خو، یو بل نړیوال فشار او بل پلو د افغانستان لپاره مهم وه چې دې کنفرانس کې برخه واخلي نو ځکه نن د یو پلاوي په ملتیا اسلام اباد ته ورسېد.

پاکستان له غني سره په لوبه کې خپل هغه باور زیانمن کړی چې په لومړیو کې پرې افغان حکومت کړی وه خو اوس د دې باور تر لاسه کول وخت او د پاکستان له لوري افغانستان سره ریښتینې همکارۍ ته اړتیا لري.

په پاکستان د ملي یوالي حکومت هغه مهال بې باوره شو کله چې په کابل کې بریدونو زور وکړ او د سولې په اساسو خبرو کې د وسلوالو طالبانو د مشر ملا عمر مجاهد د مړینې پیغام خپور شو چې د سولې دویم پړاو خبرې یې سبوتاژ کړې.

که څه هم ولسمشر غني باور لري چې پاکستان له کلونو راپه دې خوا د افغانستان سره په یوه نا اعلان شوې جګړه کې ښکیل ده خو، اوس ښکاري چې داځل به ولسمشر پاکستان ته ډېرپه سپینه ووایي چې ستا سې له هېواده نور باید د افغانستان د ورانولو غږ پورته نه شي.

له بلې خوا په سیمه کې ترهګرۍ د سیمې هېوادونو په تېره روسیه او امریکا ورخطا کړې چې ښایي د دوی ګټې له خطر سره مخ شي.

د داعش د ځپلو لپاره د روسې احتمالي لاس وهنه ډارونکې ده نو په ډېر احتمال ویلی شم چې امریکا په پاکستان فشار زیات کړی څو د روسیې احتمالي لاس وهنې لپاره وسلوال طالبان افغان حکومت سره خبرو ته تیار کړي.

دلته د پاکستان او افغانستان لپاره د امریکا د ځانګړي استازي فشار پر غني د دې اداعا ښکاره ثبوت کېدای شي.

د افغان حکومت لپاره د اسیا زړه هېوادونو کنفرانس یو ښه فرصت کېدای شي چې د سیمې هېوادونو ته د پاکستان په تړاو شکایت وشي چې دغه هېواد د افغانستان په کورنیو چارو کې لاس وهنه کوي او له بلې خوا په خپله خاوره کې ترهګر روزي چې د افغانستان په ګډون یې سیمه نا ارامه کړې نو ځکه دلته راکړې ورکړې کمرنګه ښکاري.

له دې سره پاکستان هم په وېره کې ده چې په دې کنفرانس کې د دوی په خلاف د سیمې هېوادونه بې باوره شي نو ډېر به کوښښ وکړي چې داځل په ریښتیا هم همکارۍ ته اړتیا شته.

که څه هم په دې کنفرانس کې به ډېر نوي څه نوي خو نړۍ به لاقل په دې بیا هم پوه شي چې پاکستان یو ترهګر هېواد دی چې په سیمه کې د افغانستان په ګډون د دوی ګډې ګټې له خطرونو سره مخ کړي.

ولسمشر غني باید ډېر کوښښ وکړي چې د سیمې ملاتړ په دې کنفرانس کې راجلب کړي او د پاکستان اصلي څېره د سیمې هېوادونو ته بربنډه کړي چې کابل د اسلام اباد سره څه وکړل او اسلام اباد د کابل سره .

په همدې هیله

51 total views, 2 views today

Leave a Reply

Your email address will not be published. Required fields are marked *