Categories

اعلان

Loading…

افغان او امریکايي ځواکونو په هلمند کې ۴۰ افغان پولیس او پوځیان خوشي کړل

تاند- افغان او امریکايي چارواکي وايي چې د دوی ځواکونو په ګډو عملیاتو کې په هلمند ولایت کې له طالبانو څخه لږترلږه ۴۰ افغان امنیتي ځواکونه خوشي کړل.

په افغانستان کې د امریکا پوځ نن /جمعه/ په یوه خبرپاڼه کې وویل، د دواړو هیوادونو خاصو ځواکونو تېره شپه په نوزاد ولسوالۍ کې پر یوه بند د هیلي کوپتر په وسیله ګډ عملیات وکړل.

په خبرپاڼه کې ویل شوي چې د دې عملیاتو په لړ کې ۴۰ افغان امنیتي ځواکونه، چې پولیس، د ملي اردو سرتېري او سرحدي پولیس ول، خوشي کړای شول.

له بلې خوا د افغانستان دفاع وزارت وايي چې په دې عملیاتو کې ۶۰ تنه خوشي شوي دي.

دفاع وزارت وايي چې په خوشي کړای شویو کسانو کې ۲۰ تنه ملکیان هم شامل دي.

دا وزارت وايي چې د عملیاتو اصلي هدف په سیمه کې د طالبانو د یوه قوماندان نیول و.

201 total views, 1 views today

Leave a Reply

Your email address will not be published. Required fields are marked *

۸