Categories

اعلان

Loading…

په دې ورځ په لیزبون کې ۶۵ زره انسانان ووژل شول

تاند(نومبر۱) ۲۶۱ کاله پخوا د ۱۷۵۵ ع کال په دې ورځ (نومبر۱)د پرتګال د امپراتورۍ پلازمېنه لیزبون سختې زلزلې ویجاړ کړ او یوې څونامي د لیزبون او ټول پرتګال ساحلونه وځپل .

په دې خونړۍ ورځ د لیزبون د ډېر ښکلي او اباد ښار دوه نیم لکه اوسېدونکو د توسن مذهبي جشن ته تیاري نیوله .چې ناببره درو پر له پسې زلزلو ولړزاوه.دا زلزلې دومره سختې وې چې ساینس پوهان یې اوس شدت د ریښتر په حساب اته اعشاریه اووه او نهه درجې اټکلوي.

دې زلزلو د لیزبون ښکلی ښار په کنډوالو بدل کړ.له زلزلې څو ساعته وروسته په اطلس سمندر کې د څونامي څپې ،چې د زلزلې له کبله پیدا شوې وې،د پرتګال ساحلونو ته رارورسېدې چې د زلزلې په وجه رامنځه ته شوې مرګ ژوبلې یې په یوه بې ساري ناورین بدلې کړې.

د ۱۷۵۵ کال د نومبر لومړۍ نېټه د توسن له مذهبې ورځې سره برابره وه او د لیزبون ښار اوسېدونکي د نورو کاتولیکانو په شان په کلیساوو کې راټول شوي وو.په داسي حال کې چې خلک په کلیساوو کې راغونډ شوي ول د ماسپښین په درې بجې درې پر له پسې زلزلې وشوې.د زلزلو د ټکانونو ترمنځ واټن ډېر لږ وو خو د ټکانونو شدت یې خورا ډېر وو.

دې زلزلې د لیزبون د ښکلي ښار لویه برخه ونړوله او ترشپېتو زره زیات انسانان یې تر کنډوالو لاندې کړل.کلیساوې ،په تېره بیا د ګوتیک کارمس کلیسا،چې ډېر خلک پکې رایوځای شوي ول،ونړېدې او مذهبې مراسمو ته راغلي خلک تر خاورو لاندې شول.

د ګوتیک کارمس کلیسا ویجاړ دېوالونه اوس هم د لیزبون ښار په مرکزي برخه کې لیدل کېږي.

دا زلزله دومره شدیده وه چې د افریقا د لویې وچې له سواحلو،د فنلنډ تر سکندنیاوي هیواد پوري ساحه کې یې ټکانونه احساس شول.

د تاریخپوهانو په وینا د زلزلې له امله د لیزبون په سلو کې ۸۵ ودانۍ ونړېدې.په نړېدلو ودانیو کې سلطنتي ماڼۍ او د لیزبون بندري تاسیسات هم شامل وو.د لیزبون بندر په هغه وخت کې د اروپا تر ټولو مهم بندر ګڼل کېده.

243 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2