افغان کرکټ ملي لوبډلې د عمان پر وړاندې دوهمه نړیواله شل اوریزه سیالۍ هم په خپلې بریا سره پای ته ورسوله

په متحده عربي اماراتو کې د عمان پر وړاندې د ۲ نړیوالو شل اوریزو سیالیو د لړۍ دوهمه سیالي هم نن د افغان کرکټ ملي لوبډلې په بریا سره پای ته ورسیده.

د نننۍ لوبې پچه د عمان لوبډلمشر وګټله او د توپ اچونې پریکړه یې وکړه. افغان لوبډلې د سیالۍ په ټولو شلو اورونو کې د ۴ لوبغاړو په سوځیدو سره ۱۶۰ منډې جوړې او سیالې لوبډلې ته یې د ۱۶۱ منډو هدف ورکړ چې له ډلې یې شهزاد محمدي ۶۰ او شفیق الله شفق ۳۲ ناسوځیدلې منډې جوړې کړې.

عمان لوبډلې ورکړل شوی هدف بشپړ نه کړای شو او د سیالۍ په وروستي اوور کې یې د اته لوبغاړو په سوځیدو سره ۱۴۸ منډې جوړې او لوبه یې افغان لوبډلې ته وبایلله. د افغان توپ اچونکو له یامین احمدزي ۳، روښان بارکزي ۲ او سید شیرزاد هم ۲ لوبغاړي وسوځول.

د افغانستان کرکټ بورډ عمومي رئیس نسیم الله دانش ټولو هیوادوالو ته د عمان پر وړاندې د ملي لوبډلې د دوهمې بریا مبارکي ووییله او زیاته یې کړه چې ملي لوبډله د غوره چمتووالي په بهیر کې ده او په نړیوال شل اوریز جام کې به اغیزمن ګډون ولري.

د افغانستان کرکټ بورډ اجراییوي رئیس شفیق الله ستانکزي هم ټولو هیوادوالو ته د ملي لوبډلې نننۍ بریا مبارکي ووییله. ستانکزي د لوبډلې غوره لوبې وستایلې او بریاوې یې نړیوال شل اوریز جام ته د غوره چمتووالي غوره بیلګې وبللې.

132 total views, 1 views today

اړوند مطالب

بنګله دېش عمان ته په ۵۴ منډو ماتې ورکړه افغان ۱۰ کلنو فیجي ته ماتې ورکړه نیوزیلنډ پاکستان ته په ۲۰ اووریزه سیالۍ کې په ۹۵ منډو ماتې ورکړه زیمبابوې ته د افغان ۱۹ کلنو دوهمه ماتې