Categories

اعلان

Loading…

بې پولې ډاکټران د کندوز د پیښې بې پرې تحقیق غواړي

خبریال: میرویس جلالزی – د بې پولو ډاکټرانو ټولنه په کندوز کې پر خپل روغتون د امریکايي ځواکونو د شوي برید په باب د بې پرې تحقیقاتو غوښتنه کوي.

دغه برید د اکتوبر میاشت په دریمه نیټه هغه مهال وشوه چې وسله وال طالبان د کندوز ښار ته د ننوتو په حال کې ول.

په برید کې نږدې ۷۰ تنه افغان ډاکټران، نرسان او ناروغان مړه او ژوبل شوي ول.

امریکایي قواوو وویل چې دوی ته د کندوز په روغتون باندي د برید په باب افغان او امریکايي پلیو قواوو معلومات ورکړي ول په داسی حال کې چې د یاد روغتون ناظمان او سمبالوونکي بیا وايي چې دوی مخکې تر مخکې د روغتون د موقعیت او فعالیت په باب ټولې نقشې امریکايي او افغان ځواکونو ته سپارلي وې.

تیره اوونۍ د امریکايي قواوو د یوه تحقیق پایلو وښوده چې دا برید د انساني سهوې نتیجه و.

په افغانستان کې د نړیوالو ځواکونو قوماندان جنرال کېمبل وویل د دوی هوايي قواوو دغه برید په تېروتنه کړی دی لیکن معلومات ورته افغان ځواکونو ورکړي وو.

په دغه څو سوه مخیز تحقیق کې ویل شوي ول چې د امریکا سي ۱۳۰ الوتکې د څه باندی شل دقیقو لپاره په کندوز ښار کې د بې پولې ډاکترانو په روغتون څو سوه مرمۍ وویشتي او وران یي کړ.

د بې پولو ډاکټرانو د نړیوالې ټولنې مشرې جونې لیو ویلي دوی دغه پایلې ځکه نه مني چې دا پوځي څيړنه ده چې امریکايي ځواکونو په یوه اړخیزه توګه کړې ده .

هغې په خپله یوه نوي مرکه کې ویلي، شواهد لري چې امریکايي ځواکونو حتی هغه ناروغان هم په روغتون کې په نښه کړي چې غوښتل یي د ودانیو څخه دباندي په څرخچوکیو یا ویل چیر کې ځانونه وباسي چې د معیوبینو له لوري کارول کیږي.

د میرمن لیو پر وینا دوی د بې پرې نړیوالو څيړونو غوښتونکي دي او دغه برید نړیوال جنګي جنایت بولي.

په همدې حال کې د امریکا دفاع وزارت ویلي چې د ټولو هغو سرتیرو دندې یې ځنډولي او څیړنې یې ورڅخه پیل کړي چې په دغه برید کې ښکیل ول.

6 total views, 1 views today

Leave a Reply

Your email address will not be published. Required fields are marked *