Categories

اعلان

Loading…

د ننګرهار پوهنتون ۲۷ غړي د داعش او طالبانو د ملاتړ په تور ونیول شول

تاند- د ننګرهار ولایتي چارواکي وايي چې د دغه ولایت د پوهنتون ۲۷ محصلان یې له تروریستي ډلو سره د تړاو په تور نیولي دي.

د ننګرهار پوهنتون د محصلانو په مظاهره کې د یو شمېر کسانو له لوري د داعش او طالبانو د بیرغونو او شعارونو له پورته کېدو وروسته په ډله ییزو رسنیو کې یو شمېر کسانو د حکومت د اقدام غوښتنه وکړه ځکه چې د دوی په باور دا دوې ډلې د خپلو هدفونو د ترلاسه کولو لپاره سیاسي نه بلکې پوځي مبارزه کوي.

د ننګرهار د والي دفتر او د پوهنتون رييس نن تایید کړه چې امنیتي ځواکونو د دوشنبې په شپه د ننګرهار پوهنتون پر لیلیې چاپه وهلې او ۲۷ تنه محصلان یې نیولي دي.

راپورونه وايي چې د ملي امنیت په ریاست کې له نیول شویو محصلانو څخه پوښتنې – ګروېږنې دوام لري.

د ننګرهار یو شمېر محصلانو هم د داعش او طالب پلوو عناصرو پر ضد د امنیتي ځواکونو د اقدام غوښتنه کړې وه او ویلي وو چې څو تنو محدودو ترهګرو د ټول پوهنتون نوم بد کړی او خلک یې د تروریستانو ځاله بولي.

دغو محصلانو، د پوهنتون د شرایطو د خرابوالي پر ضد د محصلانو له مظاهرې څخه په سو استفاده د داعش او طالبانو بیرغونه پورته کړي ول.

142 total views, 2 views today

2 comments

  1. سمسور افغان Reply

    الحمد لله ڈير شه كار وشو. دا محصلین نه بلكي بلواگر دي. دوي بإيد له پوهنتون نه خارج او 10 کاله په بند محکوم شی. دوی هم ملی خایننین دی او هم یی د پوهنتون سره خیانت کڑى دى د پوهنتون نوم یی بدنام کڑى دى.

  2. Iqbal Reply

    If these students are so beloved of Taliban and Daesh, government should send them to Syria and Iraq.

Leave a Reply

Your email address will not be published. Required fields are marked *