تاند- د سلواکیا یوه ملکي هیلي کوپتر د چهارشنبې په ورځ د سلواکیا هوايي حریم ته له داخلېدو وروسته وغورځېده چې په نتیجه کې یې د ۷ افغانانو په شمول ۸ تنه ووژل شول.

رویټرز خبري اژانس نن /شنبه/ ناوخته د سلواکیا له پلازمېنې براتسلاوا څخه په راپور کې وویل چې په دې څرخکه کې ۸ تنه سپاره ول چې اووه تنه یې افغانان او اتم اوکرایني پېلوټ و.

د سلواکیا د کورنیو چارو وزارت نن وویل چې په وژل شویو افغانانو کې ۵ نارینه او دوې ښځې دي.

سلواکي چارواکي وايي چې د چهارشنبې په شپه د دغه هیواد په هوايي حریم کې د یوې ناپېژندل شوې څرخکې څرک ولګېد.

اوکرایني چارواکو نه ده تایید کړې چې الوتکه د دغه هیواد له پولې اوښتې ده.

د سلواکیا د کورنیو چارو وزارت ویندوی ایوان نیتیک وویل، مامورینو د هیلي کوپتر د لوېدو په سیمه کې لټون په هماغه لومړیو کې پیل کړ خو د لړې د زیاتوالي له کبله هیلي کوپتر د جمعې په ورځ وموندل شوه.

ده همداراز وویل:«ایم آی -۲ هیلي کوپتر، چې د اوکراین نښان پرې لګېدلی، په داسي حال کې ټیټ الوت کاوه چې هوا خرابه وه، لکه چې د دې لپاره یې ټیټ پرواز کاوه چې کشف نه شي.»

د پېښې په ځای کې له اسنادو چې په افغاني ژبو لیکل شوي، ښکاري چې قربانیان افغانان دي.

د سلواکیا چارواکي وايي چې له اوکرایني چارواکو سره تماس نیسي چې د دې قضیې په اړه ګډ تحقیقات وکړي.

دوی شک لري چې دا مسله به له انساني قاچاق سره تړاو لري.

60 total views, 4 views today

اړوند مطالب

په کابل کې د یوې څرخکې د لوېدو په پېښه کې ۵ بهرنیان ژوبل شول په ۲۴ ساعتونو کې ۳ څرخکې وغورځېدې جنوبي سالنګ ته د بس د لوېدو په پېښه کې ۲ مړه او ۲۰ ژوبل شول د یوې الوتکې د لوېدو په پېښه کې ۳ امریکایان ووژل شول