Categories

اعلان

Loading…

بریا یعنې څه؟/ ژباړن: حمیدالله حمیدي

بریا: یعنې د کار په پای کې مو کله، چې د دفتر دروازه بندوی او د کور پر لورځی، احساس وکړئ، چې نن مې ډیر لوی کارونه سرته ورسول او پر خپلې دندې شکر وباسئ.
بریا: یعنې دا چې تاسو سالمه کورنۍ ولرئ او د کور غړي مو بې صبره ستاسو د راتلو په تمه ساعتونه شماري او غوږونه یې د دروازې د زنګ آواز ته نیولي وي.
بریا: په دې مانا، چې کامل ایمان ولرې؛ داسې ایمان چې وکولای شي په سمه لاره دې برابر کړي، هغه څه چې لازم دي د کولو اجازه یې درکړي او که د نه کولو وي همدا ایمان د دې سبب شي، چې مخه دې ونیسي او پرې د نږدي، چې دغه ډول بې مانا کارونو تر سره کړې.
بریا: په دې مانا، چې د مالي اړه پر ځان دومره بسیا وی، چې ورځنی ژوند دې په پوره خوښۍ سره تېر کړې او د دې وېره هم در سره نه وي، چې د نشتون یا مرګ په صورت کې د کورنۍ له مالي ستونزو سره مخ شي او د هغوی لپاره دې داسې بنسټیز کارونه کړي وي، چې کورنۍ دې وکولای شي خپل ژوند پر مخ بوزي.
بریا: یعنې د داسې سالم مصروفیت درلودل، چې د خوښې وړ دې وي او په تر سره کولو سره یې نورو کسان ته خیر ورسیږي، خلک یې له ګټې برخمن شي او ته هم له خپلې دندې پوره خوند واخلې.
بریا: یعنې د خپل ځان پېژندل او په دې پوهېدل، چې په څه بوخت یې او د چا لپاره کار کوې؟
بریا: یعنې ځان ته پاملرنه، له ځانه ساتنه او دا چې هره ورځ سهار وختي د خپل خوب له بستره په پوره روغتیا را پورته شې.
بریا: یعنې کله، چې د ټولو کارونو له تر سره کولو وروسته خپل د خوب بسترې ته ولاړ شې او دخپلو کارونو په اړه فکر وکړې، او هغه کارونه، چې د ورځې په اوږدوکې دې تر سره کړي، داسې کارونه وي، چې پر کولو یې پېښمانه نه وې بلکې خوشاله وې او د خدای پاک شکر ادا کړې.
په ټوله کې بریا نه شو کولای په څو جملو کې خلاصه کړو. ډیر څه شته، چې په بریا کې راځي چې دلته ذکر کول یې خورا وخت نیسي.
بریا دا نه ده چې…
بریا: دې ته نه ویل کیږي، چې له ډیرو کاري مصروفیتونو وروسته له خپلې کورنۍ سره د ماښم د ډوډۍ خوړلو لپاره له کوره بېرون هوټل ته ولاړشئ.
بریا: دې ته نه ویل کیږي، چې له اوږده کار ستړی کورته ولاړ شې او تلوزیون ته پرېوزئ او له ځان سره وایې، چې اوس نو نوبت زما دی، او په دې فکرې کې شې، چې څمره د ګټلې ویې څټې.
بریا: دې ته نه ویل کېږي، چې تر اړتیا ډېر عواید ولرې او د لګښت لاره یې درنه ورکه وي، چې پر څه یې ولګوې، بلکې دومره وړتیا ولرې، چې د لګښت سالمې لارې چارې ورته پیداکړې، تر څومو خواري پر اوبو نه وي لاهو شوې.
بریا: بریا دې ته نه ویل کیږي، چې د دیني علماوو د ملغلرو په شان خبرو ته غوږ کېږدئ او پر عملي کولو کې یې بې پر وایي وکړئ، بلکه له علماوو، چې څه اورئ، پوره کوښښ وکړئ په خپل ژوند کې یې عملي کړئ تر څو په دواړه دنیاوو کې بریالي وی.
بریا: دې ته نه ویل کیږي، چې له اندازې زیات کار وکړئ، خو له خپله ژونده خوند وا نه شی اخیستی، پسې ګټل مو باید هدف نه وي بلکې د وسیلې په توګه یې وګاروئ، پیسې ګټل مو باید د ورځني ژوند د ښه تېرېدو سبب وګرځي.
بریا: دې ته نه ویل کېږي، چې تاسو هر ډول خوراکونو ته لاس رسی لرئ نوش جان یې کړئ، بلکې تر ډیره مو باید خپل صحت ته پام وکړئ.
بریا: دې ته نه ویل کیږي، چې تل مو انرژي په دې مصرف کړئ او د خپلو وروستیو پروژ، پلانونو او… په اړه فکر وکړئ، بلکې ژوند مو داسې تنظیم کړئ، چې د هر څه لپاره منظم پلان ولرئ او په ډاډه زړه خپل کارونه تر سره کړئ.

76 total views, 1 views today

Leave a Reply

Your email address will not be published. Required fields are marked *