Categories

اعلان

Loading…

ایران د داعش پر ضد د اختر محمد منصور طالبانو ته وسلې او پیسې ورکوي

تاند- د افغانستان د جنوب لوېدیځو او لوېدیځو ولایتونو چارواکي او ولسي استازي وايي چې ایران د داعش د مخنیوي او ځپلو لپاره د افغان طالبانو ملاتړ کوي.

دوی وايي چې طالبانو د ایران په مالي، تسلیحاتي مرستو او د کسانو په رالېږلو په فراه او زابل ولایتونو کې د داعش غړي ځپلي دي.

په ولسي جرګه کې د فراه د خلکو یوه استازي سمیع الله صمیم وویل چې ایران له څه مودې راهیسي وسله والو طالبانو ته وسلې او پیسې ورکوي چې د داعش پر ضد جګړه وکړي.

ایران تر دې پخوا په لوېدیځو ولایتونو کې د طالبانو ملاتړ د دې لپاره کاوه چې د افغانستان په خاوره کې د بندونو د جوړېدو مخه پرې ونیسي.

د فراه امنیه قوماندان مل پاسوال فضل محمد صمدیار هم تایید کړه چې ایران په دغه ولایت کې د وسله والو طالبانو ملاتړ کوي.

صمدیار وايي چې د ایران مرستې له کلونو راهیسي دوام لري.

په زابل کې د ملا محمد رسول د ډلې ویاند ملا عبدالمنان نیازی وايي چې د دوی پر ضد د ملا اختر محمد منصور د ډلې په پلویتوب د ایران د سپاه پاسداران له لوري افغان هزاره ګان جنګېږي.

دی وايي چې ایران د منصور ډلې ته وسلې او پیسې ورکوي.

د زابل د ولایتي شورا رييس عطا جان حق بیان هم تاییدوي چې ایران په زابل کې د ملا اختر محمد منصور د ډلې ملاتړ کوي.

په زابل کې د داعش غړي، چې عمدتاً ازبکستانیان دي، د ملا منصور داد الله ملاتړ کوي. ایرانیان هم له همدې کبله د داد الله د مخالف لوري ننګه کوي.

د دادالله د ژوند او مرک په اړه ضد و نقیض راپورونه ورکول کېږي خو د زابل چارواکي تاییدوي چې ارغنداب او څو نورې سیمې د دادالله له پلوي ځواکونو څخه د اختر محمد منصور پلوي طالبانو تصفیه کړي دي.

90 total views, 1 views today

1 comment

  1. احمد Reply

    افسوز په داسی تش په نوم مجاهدینو چی کله د یو کافر او کله د بل کافر نه مالی او ځانی کومکونه غواړی او هدف یی چوکی او د وطن ورانول دی .
    مشران دی الله ج مردار کړی او کشرانو ته دی الله ج هدایت وکړی که د هدایت وړ نه وی الله دی کشران تش په نوم مجاهدین هم وشرموی او مردار دی شی لکه مردارچی شوه

Leave a Reply

Your email address will not be published. Required fields are marked *