Categories

اعلان

Loading…

د لوګري موسیقۍ مخکښ هنرمن استاد بېلتون وفات شو

اصلي نوم: مومن خان

هنري نوم: بېلتون

زوکړه: ۱۲۹۹

د زوکړې ځای: چکري- کابل

د مړینې نېټه. دوشنبه، عقرب ۱۵، ۱۳۹۴(نوومبر ۹ – ۲۰۱۵)

د مړینې ځای او عمر: کابل، ۹۵

—————————————————–

تاند- د لوګري موسیقۍ تکړه استاد بېلتون د ۹۵ کلونو په عمر نن /دوشنبه/ وفات شو.

د بېلتون اصلي نوم مومن خان و.

مومن خان بېلتون، چې له ۱۵ کلنۍ څخه یې د موسیقي هنر پیل کړې، ډېر د بايي جان شعرونه ویل. په کابل راډیو کې ده شاوخوا ۱۰۰۰ سندرې ثبت کړي دي. د ارواښاد بېلتون لومړنۍ سندره، چې په ۲۲ کلنۍ کې یې ثبت کړه، په دواړو ژبو پښتو او دري وه:

دل من زغم هایت پاره پاره        که مې واخلې خبر ای نګاره

د لوګري سبک مخکښ استاد بېلتون اووه اولادونه لري چې ۵ هلکان او دوې نجونې دي.

ده د غلام محمد رباني، چې مشهور ربابي و، شاګردي کړې.

2بېلتون په ۱۹۲۰ میلادي کال د کابل ولایت په چکري سیمه کې زېږېدلی. دی لا ډېر ماشوم و چې مو و پلار یې مړه شول. د مور و پلار له مړینې وروسته بېلتون د لوګر ولایت څرخ ولسوالۍ ته لاړ او د ژوند ډېره برخه یې همالته د خپلې خور په کور کې تېره کړه.

ده د بېوزلۍ، یتیم توب او د سخت ژوند غم درد په هغه شپېلۍ لېري کاوه چې په خپله یې له نی یا دروې څخه جوړه کړې وه.

په وروستیو کلونو کې بېلتون په غوږنو دروند و خو نوره کومه جدي ناروغي یې نه لرله.

322 total views, 1 views today

Leave a Reply

Your email address will not be published. Required fields are marked *

۸