Categories

اعلان

Loading…

د حکومت ړنده سترګه/ جمشیدعمرعمر

قاضي صیب! تاسو خو په ښکاره رشوت اخلئ؟ غږ یې ونه کړ. پېسې یې شمارلي.

ځان یې تیر ایسته. موسکی شو. پېسې یې په جیب کې واچولې. په څنګ کې یې درې کسه ناست ول. دوو اوږده ویښتان درلودل او د یوه مخامخ تندۍ تش و. په لاسو کې ولچکې وې. له دوی نه مې وپوښتل، ولي یې راوستي یاست؟

ستونی یې صاف کړ. او په افتخار سره یې وویل: موږ یې په غلا کې راوستي یوو. په همدې خبرو کې و چې پولیس دوه کسه له اوږو رانیولي ول او په کوټه رادننه شول.

صیب! دې دوو نه هم پوښتنه وکړه.

ـ څه یې کړي؟

ـ یو مې په زنا کې نیولی او دا بل سود خور دی.

ولي سود خوري؟ موږ قانون لرو. ته پوهیږې چې د سود خور ګناه څه ده؟

هو، خو خلکو راته ویلي چې کوه کوه د حکومت یوه سترګه ړنده ده، ځکه مې د هغې یوې سترګې لاندي خپل کاروبار کاوه؛ خو دا دی د روغې سترګې لاندې یې ګیر شوم.

په دې وخت کې نورو هم را غبرګه کړه، هو قاضي صیب، موږ هم همداسې اوریدلی ول او غلاوې مو کولې.

هه هه هه… ريښتیا هم چې د حکومت یوه سترګه ړنده ده، خو زه د حکومت دواړه سترګيې یم. تاسو به دا هم اوریدلي وي چې کله به هم د روغې سترګيې لاندې راشی او کنه؟

اوس تاسو د حکومت د روغې سترګي لاندې راغلئ او خپله سزا به وګورئ.

له قاضي مې وپوښتل: تاسو خو هم رشوت اخلئ؟

ـ هو، خو زه اوس هم د حکومت تر ړندې سترګې لاندي دا کار کوم.

366 total views, no views today

1 comment

  1. Dr.Atal Reply

    اوس خو د وړو غلو به همدا حال وی مګر هغه چه ۲۲۵ میلیون ډالره غلا کوی یا د زرهاوو امنیتی قواوو ډوډی،البسه، وسله او تجهیزات خوری اوپه سلګونو غصب او جنایت کوی نوهغه باید حکومت وکړی ؟ آیا دداسی حاکم به دواړه سترګی ړندی نه وی ؟ آیا دومره علیل او بی ایمانه خلک باید حاکم وی؟ چیرته چه حکام فاسد وی هلته به هرڅه فاسدیږی ځکه چه فاسد ،فساد زیږوی ،دامنیتی قواوو لاس او پښی تړی او دښمن ته یی سپاری ځکه چه ډوډی،تیل او وسله یی دوی خوری ،صف کی نفاق راولی او قوت له مینځه وړی که نه ددی ملت واحد صف هره فتح کولی شی چه تاریخ پری شاهد دی.

Leave a Reply to Dr.Atal Cancel reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2