Categories

اعلان

Loading…

نری رنځ په نړۍ کې تر ټولو وژونکی ناروغي ده

تاند- د روغتیا نړیواله موسسه وايي، نری رنځ له ایچ آی وي ایډز سره یوځای په نړۍ کې تر ټولو زیاتې وژونکې ناروغۍ دي.

د ملګروملتو دې روغتیايي ادارې پرون /چهارشنبه/ د نړۍ د ۲۰۱۵ م کال د توبرکلوز یا نري رنځ په راپور کې ویلي، سره له دې چې له تېرو ۲۵ کلونو راهیسي د نري رنځ د مخنیوي او وقایې لپاره ډېرې هلې ځلې شوي، په نري رنځ تېر کال په نړۍ کې یو نیم ملیون انسانان مړه شوي دي.

دې ادارې د نري رنځ د درملو په وړاندې د دې ناروغۍ د ویروسو د مقاومت زیاتېدا د اندېښنې وړ وبلله او د نویو درملو او هغو کسانو ته چې درملنې ته اړتیا لري د ښو روغتیايی خدماتو د رسولو پر ضرورت ټینګار کړی دی.

د روغتیا د نړیوالې ادارې د راپور پر اساس تېر کال په نړۍ کې ۹ ملیونه او ۶ لکه تنه په نري رنځ اخته شوي او په سلو کې د ۱۲ یې (ایچ آی وي) مثبت و.

په نړۍ کې په نري رنځ نیمايي اخته کسان په چین، هند، اندونیزیا، نایجریا او پاکستان کې اوسي.

218 total views, 1 views today

Leave a Reply

Your email address will not be published. Required fields are marked *

۸