Categories

اعلان

Loading…

هند افغانستان ته ۳۵ ځانګړي کومانډو ځواکونه رالېږي

تاند- هند غواړي چې په افغانستان کې د خپل سفارت او کونسلګریو د امنیت د ټینګښت لپاره افغانستان ته لږترلږه ۳۵ (ITBP) کومانډو ځواکونه راولېږي.

په افغانستان کې د هند پر سفارت او کونسلګریو څو ځلي پاکستان پلوو ترهګرو خونړۍ حملې کړي دي.

د هند – تبت د سرحدي پولیس ځواک (ITBP) قوماندان کریشنا چودري وویل، د ۳۵ کومانډو ځواکونو ډله به ژر په الوتکه کې کابل ته واستول شي څو په کابل کې د هند د سفارت او په جلال اباد، مزارشریف، هرات او کندهار کې د هند د کونسلګریو د موجودو ساتونکو ترڅنګ د دغو دیپلوماتیکو مرکزونو امنیت لا ټینګ کړي.

د نیو انډین ایکسپریس ورځپاڼې د راپور له مخې داسي تصور شته چې په کابل کې د هند سفارت له ګواښ سره مخامخ دی او همدا علت دی چې دا ځواکونه استول کېږي.

ښاغلي چودري وویل:«موږ ۳۵ نور کومانډو د امنیت مسوولیت لپاره لېږو.»

چودري دا خبره د دغه ځواک (ITBP) د تاسیس په ۵۴ مه کالیزه وکړه.

86 total views, 3 views today

5 comments

  1. زلمی Reply

    دادی اوس ښه شو اوس به ښه غوبل شروع شی دپاکستان او هند تر منځ دجنګ میدان به افغانستان وی او بی وزله افغانان به پکی وژل کیږی , هند ته پکارده چه خپل تصمیم باندی ښه غور وکړی ځکه ددوی راتګزموږ ددوطن لپاره نور نور جنجالونه پیداکولای شی زما په ګومان هند باید ددی تصمیم نه لاس په سر شی.

  2. څارنوال علیزی Reply

    ښه په داوی چی هندوستان د۳۵ کماندو پرځای ۳۵دپلوماتیک کارمندان اویا دنوروکاربرخو کارپوهان رالیږلیوای اودامنیت دښه تامین غوښتنه یی منحیث وظیفه دافغان حکومت څخه کړی وای . .

  3. څارنوال علیزی Reply

    ښه په داوی چی هندوستان د۳۵ کماندو پرځای ۳۵دپلوماتیک کارمندان اویا دنوروکاری برخو کارپوهان رالیږلی وای اودامنیت دښه تامین غوښتنه یی منحیث وظیفه دافغان حکومت څخه کړی وای . .

  4. Abdulamin wardak Reply

    هند او پاکستان دې خپله دوښمني په دهلی او اسلام اباد کې کوي
    له افغانستان دې نور د جنګ میدان نه جوړوي

  5. Ayubzai Ayubi Reply

    دافغانستان حکومت ته په کارده چه د هندوستان وکماندویی قوتونو ته اجازه ورنه کڑی

Leave a Reply

Your email address will not be published. Required fields are marked *