Categories

اعلان

Loading…

بې پولې ډاکټران هلمند کې روغتيايي خدمات پراخوي

بصيرالحق عادل –

د هلمند د بې پولې ډاکټرانو ولايتي مسؤل د هلمند مدني ټولنې له غړو سره د ليدنې پر مهال دغلته د روغتيايي خدماتو د پراخېدو خبر ورکړ.

جون چې د دغې روغتيايي ټولنې ولايتي مسؤل دی، وايي د ځايي روغتياپالانو د روزنې لپاره پلان لري، ترڅو د دوی په نشتون کې خلکو ته کار وکړي.

د هلمند مدني ټولنې مشر او غړيو يې د بې پولو ډاکټرانو له مشر څخه هلمند کې د روغتيايي خدماتو د پراخېدو غوښتنه وکړه.

د بې پولو ډاکټرانو MSF ولايتي مشر «جون» د هلمند مدني ټولنې له غړيو سره د ليدنې پر مهال وويل، دوی به تر دې وروسته له مدني ټولنې سره په مشوره خپل روغتيايي خدمات مخته وړي.

نوموړي وويل، دا چې دوی ولس ته کار کوي او مدني ټولنې د ولس ښه استازيتوب کولی شي نو دوی به هم خپلې ستونزې، پرمختګونه، روغتيايي پلانونه له هلمند مدني ټولنې سره شريکوي او په اړه به يې د دوی مشورې اخلي.

د هلمند مدني ټولنې مشر سردار محمد همدرد هلمند کې د بې پولو ډاکټرانو روغتيايي خدمات وستايل او ويې ويل، کله چې MSF دغه ولايت کې خپل فعاليت پيل کړی نو ورسره سم روغتيايي ساحه پراخه شوې او څرنګوالی يې هم ښه شوی دی.

نوموړي د MSF ولايتي مشر ته  ډاډ ورکړ چې ټولنه يې په هره برخه کې ورسره همکاره ده.

سردار محمد همدرد هلمند کې د بې پولو ډاکټرانو له مشر وغوښتل چې د دغه ولايت ليرې پرتو سيمو ته دې خپل روغتيايي خدمات وغځوي.

هلمند کې د MSF ولايتي مسؤل جون دغلته د روغتيايي خدماتو د پراخېدو خبر ورکړ، نوموړي وويل دننه يې روغتون کې د بيارغونې کارونه پيل کړي ترڅو خپل کارونه نور هم ډېر او ښه خدمات وړاندې کړي.

هغه وويل، دوی پلان لري ترڅو د هلمند روغتياپالان وروزي ترڅو د دوی په نشتون کې هم خلکو ته په ښه کيفيت روغتيايي خدمات وړاندې شي.

MSF يا بې پولې ډاکټرانو ټولنه چې د ټولې نړۍ په جګړه ييزو سيمو کې خلکو ته روغتيايي خدمات وړاندې کوي، د افغانستان په څلورو ولايتونو کې فعاليت کوي.

د دغه څلورو ولايتونو له ډلې د افغانستان په شمال کې کندز ولايت هم و چې نږدې درې اونۍ وړاندې کله چې کندز د طالبانو لاسته ولويد، امريکايي ځواکونو کندز کې د بې پولو ډاکټرانو روغتون په دې تور بمبار کړ چې ګواکې وسله وال طالبانو پکې سنګر جوړ کړی.

دا يوه داسې پېښه وه چې په افغانستان او نړۍ کې يې د خلکو پراخ غبرګونونه راوپارول.

هلمند کې د بې پولو ډاکټرانو ولايتي مشر وايي، تر دې وروسته به دوی د دې لپاره چې د ولس په خوښه خدمات وړاندې شي، خپل ټول کارونه به له هلمند مدني ټولنې سره په همغږۍ مخته وړي.

هلمند کې شاوخوا اته سوه روغتياپالان د دغه ټولنې له لارې خلکو ته صحي خدمات وړاندې کوي.

189 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2