Categories

اعلان

Loading…

سلواکي پوځیان افغان ځواکونو ته د هوايي تخنیک روزنه ورکوي

تاند- په افغانستان کې مېشتو سلواکي پوځیانو ته به، چې د ناټو د غوڅ ملاتړ د ماموریت په چوکاټ کې فعالیت کوي، یو نوی ماموریت وسپارل شي.

د سلواکیا حکومت د چهارشنبې په ورځ وویل چې په افغانستان کې دېره سلواکي پوځیان به په خپل دغه نوي ماموریت کې د افغانستان د ملي اردو تخنیکي پرسونل ته د ایم آی – ۱۷/۱۷۱ څرخکو تخنیکي چارې ورزده کړي.

هغه سرتېري به، چې تخنیکي پرسونل ته زده کړه ورکوي، د هوايي تریننګ له ډلې سره یوځای شي چې د هوايي مشورې ټیم بلل کېږي.

دوی به د افغانستان په هره برخه کې چې عملیات کېږي فعالیت کولی شي.

د سلواکیا د خبري رسنیو د راپور له مخې، مخکې تر دې چې دا ځواکونه د ماموریت لپاره افغانستان ته لاړ شي، په سلواکیا یا چک جمهوریت یا کرویشیا کې به تریننګ ورکړای شي.

د دغو سرتېرو شمېر به ۶۶ تنه وي. حاضردمه په افغانستان کې د ناټو د غوڅ ملاتړ په ماموریت کې سلواکیا ۳۹ سرتېري لري.

ځیني یې د قوماندې په چوکاټ کې دي، خو ځیني نور ډاکتران او طبي پروسنل دي.

298 total views, no views today

Leave a Reply

Your email address will not be published. Required fields are marked *

۸