Categories

اعلان

Loading…

ملي امنیت د ټولنیزو رسنیو او ویبپاڼو د بندولو اوازه رد کړه

تاند- د افغانستان د ملي امنیت ریاست په هیواد کې پر فېسبوک او نورو ټولنیزو رسنیو د احتمالي بندیز اوازې رد کړې.
د ملي امنیت د ریاست ویندوی حسیب صدیقي په دې اړه خپرې شوې اوازې رد کړې، ویې ویل چې د افغانستان استخبارات به هیڅکله خلک له ټولنیزو رسنیو راونه ګرځوي ځکه چې ویبپاڼې او ټولنیزې رسنۍ له عامه پوهاوي او د معلوماتو له خپراوي سره مرسته کوي.

صدیقي په عین حال کې وویل چې ځیني کسان د هیواد له منځه او بهره د ملي یووالي، او د امنیتي ځواکونو په شمول د ملي ارزښتونو خلاف منفي تبلیغات کوي.

ده دا هم وویل چې دا ډول افراد د افغانستان د دښمنانو په ګټه د افغانانو په منځ کې د وېرې او ترهې د خپرولو هڅه کوي خو خلک باید د دا ډول کسانو د تبلیغاتو د خپرېدو وسیله ونه ګرځي.

د ملي امنیت د ریاست ویندوی خبرداری ورکړ، ټول هغه کسان او ډلې به چې د هیواد پر ضد کار کوي او د افغانستان د دښمنانو په ګټه تبلیغات کوي وپېژندل شي او له قوانینو سره سم به تعقیب شي.

د چهارشنبې په ورځ په کابل کې اوازه خپره شوه چې حکومت د هغو منفي تبلیغاتو د مخنیوي لپاره چې د کندوز له نیول کېدو وروسته په فېسبوک او ځینو ویبپاڼو کې د دولت او امنیتي ځواکونو خلاف زیات شوي دي، موقتاً فېسبوک او یو شمېر ویبپاڼې بندوي.

یو شمېر کتونکي د ځینو مخربو ویبپاڼو، چې د افغانستان د ملي ګټو خلاف او د ګاونډیو په ګټه کار کوي، د بندېدو پلویتوب کوي خو یو شمېر نور بیا وايي چې دا کار د بیان ازادۍ ته ممکن زیان واړوي.

73 total views, 2 views today

2 comments

  1. سیف الله منصور Reply

    ههههههههه
    حقیقت تریخ وی
    چه په میدان یی مقابله نسی کولای دفیس بوک بندول به درته چندانی فایده ونکری

  2. Sabawoon Reply

    د یوسه وخت لپاره د ټولنیزو رسنیو بندول په دولت لازمی دی

Leave a Reply to Sabawoon Cancel reply

Your email address will not be published. Required fields are marked *