Categories

اعلان

Loading…

د ننګرهار په اچین کې ۸۵ داعشي ترهګر وژل شوي

تاند- په ننګرهار کې امنیتي چارواکي وايي چې د دغه ولایت په اچین ولسوالۍ کې ۸۵ تنه داعشیان، چې اکثره پاکستاني ترهګر دي، له امنیتي ځواکونو سره د نن /یکشنبه/ ورځې به نښتو کې وژل شوي دي.

د افغانستان د ملي امنیت ریاست وویل چې دا شمېر ترهګر په دوو جلا بریدونو کې وژل شوي دي.

د ملي امنیت د ریاست خبرپاڼه وايي چې ۶۰ تنه ترهګر د اچین ولسوالۍ په عبدالخېل سیمه کې او ۲۵ نور په شډل سیمه کې وژل شوي دي.

په خبرپاڼه کې د افغان امنیتي ځواکونو د تلفاتو یادونه نه ده شوې خو په نورو راپورونو کې ویل شوي چې دوه ملي او دوه سیمه ییز پولیس وژل شوي دي.

د داعش ترهګر وروسته له دې ووژل شول چې د اچین ولسوالۍ پر سرحدي پوستو یې پراخ ډله ییز بریدونه وکړل او لږترلږه دوې پوستې یې ونیولې.

د ملي امنیت د ریاست په وینا په وژل شویو ترهګرو کې د داعش مشهور قومندان جلیل اورکزی هم شامل دی. ویل شوي چې نوموړي په ننګرهار کې لږترلږه ۱۰۰ تنه جګړه مار ترلاس لاندې لرل.

د ملي امنیت ریاست وايي چې ټول وژل شوي کسان د پاکستاني سختدریځي ملا حافظ سعید پلویان دي چې په وروستیو کې یې داعش ته وفاداري اعلان کړې ده.

داعشیانو په ننګرهار، په تېره بیا د دغه ولایت په شینوارمېشتو سیمو کې له خلکو ارام اخیستی، له خلکو سره نهایت وحشیانه چلند کوي چې له کبله یې په سلګونو کورنۍ مجبوره شوي چې کور – اور ورته پرېږدي او په خپله نورو سیمو ته ولېږدي.

د ځايي خلکو په وینا په دغو سیمو کې ښوونځي، کلینیکونه او ټول عام المنفعه خدمات په ټپه درول شوي او کاملاً د وحشت او بربریت فضا واکمنه ده.

85 total views, 1 views today

1 comment

  1. khan gul Reply

    يا الله ستا ډير شكر دي چي دا داعش پاکستاني ترهګر مردار شوي دي،
    ملي اردو او ملي امنيت او پوليسو ته پكار دي چي د وحشي زناور داعشيانو تخم ختم كړي، او پداسي مرګ يي مردار كړي چي د آينده لپاره عبرت شي.

Leave a Reply

Your email address will not be published. Required fields are marked *