Categories

اعلان

Loading…

نور همه واړه د تورو کاڼو غر شي/ عصمت قانع

مرحوم ستانور صاحب چکنوري د شهید محمد موسی شفیق له خولې خبره کوله چې د هلمند د اوبو د لانجمنې موضوع په هکله یې ویل: باید یو څوک پیدا شي چې له ایران سره د هلمند د اوبو کشاله د افغاني مفاداتو له زاویې حل کړي. موږ د ګاونډیو د بد اعتماد، بد باور او بد نیت د تداوم په نتیجه کې د دوامداره کړکېچ خواته تللای شو.

ارواښاد شفیق ویل چې د حیاتي مسایلو پرسر په غیر علمي شعارونو د ملت په زړه کې موقتي محبوبیت د سیاسي شهرت وسیله ګرځېدلای شي، خو د ملت د تلپاتې مفاداتو د خوندیتوب او حفاظت هڅې د پاخه شعور، ارام ذهن او سړې سینې کار غواړي.

احساساتي شعارونه، غیر عملي ګواښونه او د مقابل جهت د ټولو ګټو د پایمالولو په قیمت د خپلو ګټو د ساتلو لاره بالاخره پر ګړنګونو ورځي.

شهید شفیق هماغه څه وکړل چې د خپل مظلوم ملت د ګټو، مفاداتو او ثبات شعور یې ورته حکم کاوه.

په همدې ډول شهید داود خان د ډیورنډ د کرښې په باره کې یو حساس او پر وطن مین سیاستوال وو.

داود خان نه غوښتل چې د ډیورنډ د کرښې لابېحله لانجه په پیړیو پیړیو د افغانستان او نوي زېږېدلي مملکت پاکستان ترمنځ پر روابطو باندې د فاجعې او ناورین سیوری وغوړوي.

ارواښاد عبدالصمد غوث د افغانستان د سقوط په اثر کې لیکلي: داود خان تر ډېره پورې هڅه وکړه ترڅو پاکستان یوه داسې سیمه ییز ثبات ته وهڅوي چې بالاخره د خلکو او پرګنو لوړ شعور په دې سیمه کې وتوانېږي چې ګټې او مفادات، اقتصادي پرمختګ او فرهنګي وسعت خلک داسې سره نږدې کړي چې د بې ثباتۍ پر ځای ثبات او استقرار په سیمه کې د خلکو د سرنوشت نیکمرغه انتخاب د سعادت او رفاه پر لور وخوځوي.

له افغانستان څخه د ناټو اوایساف د قواوو له وتلو وروسته زموږ ملت یو ځل بیا د ګاونډیو د ناوړه نیت په وړاندې له سختې مرحلې او ستونزمن پړاو سره لاس او ګرېوان دی.

په بدبختۍ سره باید ووایو چې د حکومت په راس کې یو داسې څوک راغلی دی چې پر هماغه احساساتي شعارونو تکیه کوي.

خو په دغه حکومت کې ددې هېواد د نیکمرغۍ د ترازو پله هم درنده او سنګینه ده. د حنیف اتمر په څېر یو داسې څوک هم شته چې د هېواد د ګټو او مفاداتو شعور یې د مبارزې د وینو او لمبو له پل طراط څخه تېر شوی دی او د استخباراتي جګړې په مرموزو پېچومو کې د خپل هېواد د بقا، ګټو او ثبات د تعهد بنسټ یې ورځ په ورځ د ملي اعتماد په سنګر بدلېږي.

د پاکستان له اسلامي جمهوریت سره د نا اعلان شوي جنګ په روانه مرحله کې همدا حنیف اتمر وو چې ورو، ورور یې د پاکستان د تجاوز او ترورېزم پالنې له پټو ریښو خاورې پورته کړې.

د امریکا متحده ایالاتو او د انګلستان حکومتونه مجبور شول چې د حقاني شبکه په نیابتي جبهه کې د پنجاب د مورچل ملکیت او اثاثه وبولي او د پاکستان تر حاکمیت لاندې قلمرو د افغانستان پرضد د جګړې د منډیي تخته وګڼي.

افغانستان دا وخت تر تودې جګړې په سړه مرکه کې د ګټو چانس لري، پداسې وخت کې چې د نړۍ د ثبات ماموریت عملاً اوس د ملاتړ په ماموریت تبدیل شوی دی او د جګړې استخباراتي خصلت د بې شمېره پانګو د لګولو قیمت او بیه غواړي.

له بنسټونو بې برخې افغانستان نه شي کولای چې عملاً په مقابله جغرافیه کې پټ عملیات د زرو او زور په وسیله تمویل کړي، ځکه افغانستان په خپله خپل وس او د توان په داسې لار کې وقف کړی دی چې هېواد له جګړې راوباسي او د داسې بنسټونو او تاسیساتو پر جوړښت غور وکړي چې ملي ثبات او استقرار په اوږده مهال کې د اقتصادي استقرار لپاره د زینې په توګه استعمال کړي او په اسیایي نوي غوړېدونکي اقتصاد کې د خپل هېواد لایق اهمیت نور هم پیاوړی کړي.
د اشرف غني په حکومت کې د زعامت دوه قطبه عملاً یو د بل په خنثی کولو کې خپلې ګڼې ویني. دا یوازې حنیف تمر دی چې رقیب نه لري، خو ملي هدف او مرام یې له هر هغه چا سره شریک دی چې د افغانستان په ګټو باور لري.

د افغانستان عزت د خپلې مبارزې هدف بولي او دغسې لوړ هدف ته د رسېدو په لار کې د مبارزې پر واټ د منډې له سړو او تودو مرحلو سره اشنا دی.

که څه هم زه بیا بیا د ملي وحدت د حکومت تفاهمنامه د افغانستان د خلکو د دیموکراتیک اعتبار قتل بولم، خو لازمه داده چې د ملي اهدافو د تعقیب په هدف هغه اقدامات وستایل شي چې د ملي ګټو د شعور له مورچل څخه ترسره کېږي.

دغه اقدامات د ډلو تپلو، د انتخاباتي ټیمونو د چوکیو او مقامونو د وېش او په حکومت کې د فراکسیوني ګټو د جنجال له کرښو ور آخوا اقدامات دي چې د تحرک محرکه قوه د افغانستان پر ګټو ولاړه عقیده ده.

حکومت که څه هم اوس یوازې د مقامونو د حصول د تورو کاڼو غر دی، خو د کونړي پاچا په قول د اوربشو د دانې په څېر لعل هم لري.

جو دانې قدر یو لعل په کې پیدا شي
نور همه واړه د تورو کاڼو غر شي

667 total views, 2 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2