Categories

اعلان

Loading…

په بدن کې هغه نښې چې خطرناکه نه دي/ ډاکټر سباوون

د ا خبره ښایی ټول راسره ومنئ چې زموږ په ټولنه کې خلک خپل صحت ته ډیره توجه نه کوي ، د دې چارې یو علت په صحي چارو کې د خلکو کمه پوهه ده حتي لوستي کسان مو په ډیرو معمولي مسلو نه وي خبر ، دغه کمه پوهه ددې سبب هم کیږي چې ځینې کسان کله چې په خپل بدن کې غیر عادي نښې او علایم وګوري هیڅ اهمیت نه ورکوي، خو ځینې بیا په ډیرو کمو نښو او ستونزو دومره اندیښمن شي چې لاره ترې ورک شي ، زما یادیږي مورکۍ به مې چې لږ ناروغه شوه نو ویل به ېې چې دا سرطان ناروغي نه وي چې موږ به هر څه ډاډ ورکاوه چې دا د سرطان نښې نه دي نه ېې منله او ځینې وخت به ېې ویل چې ممکن زما وینه خرابه شوي وي ځکه ژر ژر ناروغه کیږم دغسې ډیری کسان شته چې کله په خپل بدن کې غیر عادي نښې وګوري نو فکر کوي چې په ډیرو سختو ناروغیو اخته شوي دي خو حقیقت دا دی ډیری نښې او علایم له دې سره سره چې بیروونکې وي خو هیڅکله خطرناکې نه دي او کومه ستونزه نه پيدا کوي نن به لږ په دغسې علایمو او نښو خبرې وکړم چې ستونزه نه پيدا کوي خو سړی ویروي.

په دغو نښو کې یوه د لاسونو ریږدیدا ده ، ځینې کسان چې کله ګیلاس وچتوي او یا پطنوس لیږدي یا ېې کوم پاڼه پورته نیولي وي لاسونه ېې ریږدي که تاسو بله کومه ستونزه نه لرئ او یوازې د یو شي د پورته نیولوو په وخت د مثال په توګه د کاچوغې د نیولو،د ګیلاس د نیولو او نورو ورځنیو کارونو په وخت مو لاسونه ریږدي دا هیڅ ستونزه نه ده خو هغه کسان چې په استراحت کې ېې هم لاسونه ریږدي ممکن په پارکینسون ناروغۍ اخته شوي وي، په دغه حالت کې په غږ کې یو ډول لړزه او د سر ریږدیدا هم پیدا کیږي، د پارکینسون لړزه د ادرنالین په ترشح سره زیاتیږي یعنې کله چې سړی عصبي شي نو ممکن لړزه ورسره زیاته شي، له دې پرته د لاسونه ریږدیدا هیڅ ستونزه نه پيدا کوي.

په هر صورت که دغه لړزه کمه او د استراحت په وخت نه وي نود انديښنې کومه خبره نه شته خو که ورسره نورې نښې د مثال په توګه کاوړ یا عصبانیت لرئ او په استراحت کې مو هم لاسونه ریږدي نو ډاکټر ته ورشئ او علت ېې پيدا کړئ.

ځینې کسان به مولیدلي وي چې کله پورته کیږي او یا بل حرکت کوي نو مفصلونه ېې غږونه کوي دغه د ترق ترق غږونه ممکن د لاسونو ، زنګنو ، ملا او ولیو له مفصلونو اوچت شي، ښايي تاسو وډار کړي ، خو دا هیڅ کومه ستونزه نه ده یوازې د ګازونو له امله پيدا کیږي، خو که دغه غږونه له التهاب او پړسوب سره وي او یا درد ولري نو ممکن د مفصلونو په التهاب اخته شوي یاست بیا نو ډاکټر ته ورشئ،

ځینې کسان چې لږ مڼده ووهي د پښو نوکان ېې تور شي ، دا ډیر د ناسمو بوټانو له امله وي بله کومه ستونزه نه شته خو که تر نوکانو لاندې مو وینه ټوله شي او ورسره درد هم موجود وي نو بیا ډاکټر ته ورشئ خو په هیڅ ډول خطرناکه ستونزه نه ده.

په هر صورت د دې ستونزې د اواري لپاره سم بوټان واخلئ ستونزه به مو ورکه شي ډاکټران وايی کله چې بوټان اخلئ نو مازدیګر مهال ېې اخلئ ځکه چې پښه مازدیګر مهال په خپل وروستي سایز او یا اندازه کې وي او په دې ډول سم بوټان اخیستلی شئ.

کله چې سړی سخت فزیکي کار کوي ، یا هم ورزش کوي نود بدن ځینې عضلات غورځي یا لړزه پيدا کوي دا د اندیښنې خبره نه ده په دغو حرکاتو سره عضلات سره غږمله کیږي هره عضله نه شي کولی په یو وخت انقباض وکړي نو ځینې مخکې او ځینې وروسته انقباض کوي او دغه لړزه ورسره پيدا کیږي کله چې سړی منظم او پرله پسې سپورټ وکړې دغه لړزه ورسره ورکیږي.

دغه راز ځینې کسان د سترګو له رپيدا په عذاب وي دغه حالت د کم خوبۍ، سترس او ستړیا له امله وي هیڅ ورته اندیښنه مه کوئ.

ډاکټران دغه حالت ته میوکیما وايی او ممکن د ډیرې قهوې له څښلو وروسته ، زیات کار او کمپیوټرته له ډیرو کتلو وروسته هم ممکن پیدا شي هغه کسان چې د سترګو عضلې ېې ستونزه لري او یا عینکو ته اړتیا لري هم ممکن د سترګو رپيدا ولري .

خو که وروسره نورې نښې لرئ د مثال په توګه که مو ورسره د مخ یو لوري هم رپيږي او یا سوی کوي او یا بې حسه وي نو حتماً ډاکټر ته ورشئ.

د ځینو کسان په پوستکې د زخې په شان اضافي غوښه پیدا کیږي چې طبابت کې ېې اکرو کورډن بلل کیږي دغه اضافي غوښه معمولاً په لیمو، مخ ، او ورمیږي کې پیدا کیږي که دغسې زخه لرئ چې غټیږي نه او خپل رنګ هم نه بدلوي نو د اندیښنې کومه خبره نه شته . خو که دغه زخه ناببره پراخه شوه او یا ېې رنګ بدل شو حتماً ډاکټر ته ورشئ.

کله ناکله د سترګو په سپین کې یو ډول سور ټکی پيدا کیږي چې وړوکی وي او بله هیڅ ډول نښه ورسره نه وي دغه حالت د اندیښنې خبره نه ده کله چې سړی سترګه موښې ، یا د شپې مهال مخ په بالښت موښي، دغه راز ځینې درمل هم دغه ستونزه پيدا کوي په هر حال که بله نښه نه لرئ او د وینې فشار مو لوړ نه وي هیڅ تشویش مه کوئ.

په اوړي کې ډیر ځله پوزه وینې کیږي، ډیری کسان چې کله وینه وګوري نو وارخطا شي د پوزې وینې کیدل غالباً کومه ستونزه نه پيښوي په پوزه کې ډیر نري د وینې رګونه شته دي چې په اسانه وینې کیداي شي، تودوخه او وچه هوا پر دغو رګنو اغیز کوي او ممکن رګونه ارت شي او وینه وکړي.

خو که دغه وینه ډیره وي او یا تر اونۍ زیاد دوام وکړي نو ډاکټر ته ورشئ.

کله ناکله چې منډې وهئ ممکن په تشو کې د درد احساس وکړئ دا کومه جدی ستونزه نه ده دغه درد د ډیافرګم یا حجاب حاجز« د نس دننه پرده» د سپزم له امله وي او دغه سپزم هغه وخت پیدا کیږي چې په نس کې دغې پردې ته کافي وینه ونه رسیږي.

دغه لیسټ ډیر اوږد دی نور به په بلې لیکنه کې درسره شریک کړم.

ډاکټر سباوون

 

641 total views, 1 views today

4 comments

  1. مصباح الدین Reply

    داکتر صاحب مننه د معلوماتو نه یو سوال زما لاسونه د دیر وخته نه ریژدی خو کله جی قهر یا خوشاله شم دوه برابره ریزدی کوم مخصص داکتر ته لارشم مثلا داعصابو که د زړه

  2. مصباح الدین Reply

    ښاغلی ډاکتر سباوون زه ستاسی مشوری ته تر اوس سترګی په لاز یم امید دی جی زما سوال ته جواب ووایی

  3. Javed Reply

    !جناب ډاکټر صاحب سلامونه مې ومنئ
    مېرمنې ته مې یوه ناروغي پېښه شوي چې
    Guilain Bare Syndrome
    ورته وایي درې میاشتې وشوې خو تر اوسه پورې ګرځېدلای نشی

    ، لطفاْ که په دې باره کې معلومات وړاندې کړئ. مننه

  4. عبدالواجد عادل Reply

    ډاکترصاحب
    تاسی ته الله پاک خیراو برکت ورکړي. تاسو تل لوستونکو ته مو ډیرې ښې مشوری او معلومات ورکړی دي.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2