Categories

اعلان

Loading…

سګریټ / اجمل پسرلی

سګریټ

ډډ غږ شو:

ـ        پښه دې پښه دي، پام پام

سړي خیرن جمپر اغوستی و زما له پښو سره یې له سړکه څه راواخیستل، پورته یې راته وکتل:

ـ        پیسې پرې زیاتې شوي ګوره سلامت سګریټ یې هیسته اچولی

ما سر وخوځاوه. ده په پوړیدلي لاسونو سګریټ په خوله کې ونیو:

ـ        لایټر لرئ؟

لګولی سګریټ لایټر مې د سړي خولې ته ونیو. د ده سوړی بوی ته، ساه مې بنده کړه. د سګریټ له لګیدو سره روان شوم. څو ګامه مې نه و اخیستي چې راغږ یې کړل:

ـ        اې اې اې…

سګریټ یې په ګوتو کې نیولی رامخته کړ:

ـ        مړ شو

ما لایټر له جیبه راوایست. ده لاس رااوږد کړ. لایټر مې ورته پریښود. څرپی شو:

ـ        اې لایټر دې پاتې شو

ـ        د جمپر خولۍ مې پر سر راکش کړه. سړي پر اوږه لاس راکیښود. ورته ودریدم. په چاودو لاسونو یې لایټر راته ونیو. ما ورته وویل:

ـ        دغه ستا شو

ده لایټر پر خپل جمپر وموښه بیا یې رامخته کړ.

ما ورته وویل:

ـ        ستا شو

ده لکه لوګي چې وهلي وي، خپلو تورو خیرنو لاسونو ته وکتل او لګیدلی سګریټ ترې ولوید.

پراګ

8 total views, 2 views today

Leave a Reply

Your email address will not be published. Required fields are marked *