Categories

اعلان

Loading…

سرتاج عزیز وايي، افغانستان او پاکستان د خپلمنځي اعتماد پر رامنځته کولو سلا وکړه

تاند- د پاکستان د ملي امنیت او بهرنۍ پالیسۍ سلاکار سرتاج عزیز د جمعې په ورځ وویل چې پاکستان او افغانستان موافقه وکړه خپل منځي اعتماد بېرته رامنځته کړي.

د پاکستاني رسنیو د راپور له مخې سرتاج عزیز له کابله اسلام اباد ته تر رسېدو وروسته د پاکستان دولتي تلویزیون (پي ټي وي) ته وویل، دواړو خواوو دغه راز موافقه وکړه چې د یو بل پر خلاف به تورونه نه لګوي.

ده همداراز وویل چې په کابل کې یې د افغانستان له ولسمشر محمد اشرف غني او بهرنیو چارو وزیر صلاح الدین رباني سره وکتل.

سرتاج عزیز وویل، د افغانستان د سیمه ییزې اقتصادي همکارۍ د شپږمې غونډې ترڅنګ یې له ولسمشر غني سره په کتنه کې د پاکستان اندېښنه هغه ته څرګنده کړه.

ده دا هم وویل چې د افغانستان چارواکو ته یې په کابل کې د پاکستان د سفارت د امنیت موضوع هم یاده کړه.

تېره اوونۍ پاکستاني رسنیو ادعا وکړه چې په کابل کې د پاکستان د سفارت کارکوونکي او دیپلوماتان د ناپېژندویو کسانو له لوري تعقیب کېږي.

سرتاج عزیز دا هم وویل چې د افغانستان د بهرنیو چارو وزیر به د راتلونکي نوومبر په لومړۍ نېټه پاکستان ته سفر وکړي.

67 total views, 1 views today

1 comment

  1. shakir Reply

    له نواز مردار یی رانیولی تر رشید او سرتاج عزیز پوری دا ټول دوه مخی منافقین دی ؛ افغانانو ښه پیژندلی دی د دوی یوی خبری ته هم اهمیت نه ورکوی او باید چی په دوی اعتماد ونه شی

Leave a Reply

Your email address will not be published. Required fields are marked *