Categories

اعلان

Loading…

په ننګرهار کې د داعش او طالبانو په جګړه کې ۲۳ تنه ووژل شول

تاند- د راپورونو له مخې په ننګرهار ولایت کې د افغانستان د دولت د دوو وسله والو سختدریځو ډلو ترمنځ په نښته کې لږترلږه ۲۳ تنه وژل شوي دي.

د ننګرهار د سیمه ییزو چارواکو په وینا د وسله والو طالبانو او د عراق او سوریې د اسلامي دولت یا داعش د پلویانو ترمنځ پرون /پنجشنبه/ ناوخته په پچیرواګام ولسوالۍ کې جګړه ونښته.

د ننګرهار د امنیه قومندانۍ ویندوی حضرت حسین مشرقیوال وویل چې د داعشیانو او طالبانو د نښتې په نتیجه کې ۲۳ تنه وژل شوي او د خلکو څو کورونه نړېدلي دي.

ده همداراز وویل چې د نښتې په نتیجه کې ملکیانو ته هم مرګ ژوبله اوښتې ده.

د اسلامي دولت (داعش) پلویانو په ټولنیزو شبکو کې ادعا کړې چې په جګړه کې ویجاړ شوي کورونه د طالبانو او داعشیانو دي.

وسله والو طالبانو تراوسه پوري د دې جګړې په اړه څه نه دي ویلي. طالبانو پخوا هم هڅه کړې چې له داعش سره د خپلو جګړو په اړه ډېر څه ونه وايي.

پرونۍ نښته د دواړو ډلو ترمنځ په جګړه کې له یوې اوږدې دمې وروسته وشوه.

د افغانستان په ختیځ په تېره بیا په ننګرهار کې د داعش د نفوذ له پراخېدو او له سیمې څخه تېښتې ته د طالبانو له مجبورېدو وروسته طالبانو له نورو ولایتونو خپل سلګونه پلویان ننګرهار ته ولېږل او اکثره بایللې سیمې یې بېرته ونیولې.

7 total views, 2 views today

Leave a Reply

Your email address will not be published. Required fields are marked *