Categories

اعلان

Loading…

د پکتیا مظاهره چیانو په تذکره کې د ملیت د لیکلو غوښتنه وکړه

تخبریال: هجرت الله ساحل- سلګونو پکتياوالو د ولایت په مرکز ګردېز کې په نويو الکترونيکي تذکرو کې د افغان کلمې د ليکلو په ملاتړ لاريون وکړ.

دغه لاريون د پکتيا د ولايتي شورا، مدني ټولنو، قومي مشرانو او ځوانانو له خوا رابلل شوی و.

لاريون کوونکو ویل، د خپل سر په قيمت به د افغانيت له کلمې څخه دفاع وکړي او چاته به اجازه ورنه کړي چې د افغان له کلمې پرته نوې تذکرې جوړې او ووېشي.

د پکتيا ولايتي شورا غړي عبدالروف ځډراڼ وويل:«زموږ نننی لاريون يوازې دولت ته يو خبرداری و خو که چيرې مو غوښتنې ونه منل شي نورو مدني حرکتونو ته به هم دوام ورکړو.»

نوموړي وويل:«موږ پنځه زره کاله کيږي چې افغانان يو او په اساسي قانون کې هم راغلي هر څوک چې په دې هيواد کې اوسيږي د افغان په نوم ياديږي.»

د مدني ټولنې فعال ډاکتر عبدالهادي حماس وویل:«زمونږ د لاريون موخه دا ده چې دولت او نورې ادارې زموږ غږ واوري او اوس هم وخت شته چې دولت خپله پرېکړه واخلي او په تذکرو کې د افغان کلمه وليکلي.»

نوموړی دا هم وویل چې که چيرې دولت د دوی دغه غوښتنه ونه مني نه یوازې دا چې نوې تذکرې به وانخلي بلکې د دې تذکرو د ويش په لړۍ کې به هم ستونزې جوړې کړي.

په څو نورو ولايتونو کې هم مدني فعالانو د دې تذکرو دوېش په اړه غبرګون ښوولی او ويلي ېې دي که چيرې پکې د افغانيت کلمه ذکر نشي دوی به یې مخالف وکړي.

خو یو شمېر نور بیا استدلال کوي چې د افغانستان تذکره له افغانانو پرته بل چا ته نه ورکول کېږي. دوی همداراز وايي چې په تذکره کې د افغانستان اسلامي جمهوریت لیکل شوي بناً د افغان کلمې لیکلو ته اړتیا نشته. خو له دې سره سره ډېر نور وايي چې باید په تذکره کې د افغان کلمه راوړل شي او وايي که دا پرېکړه ونه شي په په بيلابيلو ولايتونو کې به لاریونونه او مظاهرې وکړي.

60 total views, 1 views today

Leave a Reply

Your email address will not be published. Required fields are marked *