Categories

اعلان

Loading…

کړنلاره/ نورمحمد ثاقب

کړنلاره (procedure) هغه لارښوونې دي، چې له مخې یې د څرګندو چارو پرمخ وړلو لپاره طریقې وړاندې کیږي. یا پروسجرد اجرأ کیدو طریقه ده. پروسجر یا کړنلاره یوې پالیسۍ ته لارښود چمتو کوي او د ټاکل شوي پالیسۍ اړوند چارو پر مخ وړلو لپاره د اقدام کولو ګامونه څرګندوي. کړنلاره د پالیسۍ په پرتله ډیره څرګنده او معلومه وي. پالیسي د کړنو لپاره په ټولیزه توګه لارښود چمتو کوي خو کړنلاره(پروسجر) د لارښود د تعقیب په موخه لارې ښايي. “پروسجر یو لړ سره تړلي دندې دي، ترڅو د کار د بشپړ کولو لپاره په پرله پسې یو جوړښت ولري او د اجرأ کولو لارې وښايي.

پروسجر فکر ته په نسبي توګه د عملي کار کولو یو لارښود دی او د ټاکل شویو فعالیتونو سرته رسولو په ترڅ کې د دقیقو طریقو تفصیل وړاندې کوي. له کله چې کړنلارې د اداري مسالو او کشالو ګام په ګام د اداره کولو لپاره توصیه کیږي نو په دې حالت کې لوړ پوړي مدیران ټيټ پوړو مدیرانو ته روزنیزې چارې سپاري او صلاحیت ورکوي، ترڅو په مهمو موضوګانو متمرکز وشي. په حقیقت کې لوړ پوړي مدیران پالیسۍ جوړوي او کړنلارې د ټيټ پوړو مدیرانو له خوا ټاکل او اداره کیږي. یوه ښه ټاکل شوي کړنلاره اداري چارو ته په بېلا بېلو مرحلو کې ګړندیتوب ورکوي او چارې اسانه کوي. کله چې وګړي په مختلفو ساحو کې د پروسجرونو په تعقیبولو سره چارې پر مخ وړي، نو یو بل ته مزحمت نه جوړیږي. یوه ښه کړنلاره فعالیتونه سره همغاړي کوي او همرنګي کولو ته یې شرایط چمتو کوي. پروسجرونه څارونکو او هیئتانو ته اسانتیاوې برابروي. یعني دوی ته ښايي چې دلته د کارونو ترسره کولو لپاره څرګنده تګلاره شتون لري. همدارنګه د ټيټ پوړو مدیرانو د روزنیزو چارو مهارتونو او وړتیاوو ته پرمختګ ورکوي. د چارو په ګړندیتوب کې اړینه مرسته کوي.

که وپلټل شي رامعلومیږي، چې زموږ(د افغانستان) د یو شمیر دولتي او نادولتي ادارو اوږدو او پيچلو اداري کړنلارو( پروسجرونو) له امله اداري کارکونکي او مراجعین زوریږي.که مدیران او اداري چلونکي د حالتو مطابق کړنلارې په پرله پسې توګه د بیا کتنې لاندې نیسي او بدلون ورکوي؛ غوره به وي. د ادارې اجرأیه کار کوونکو ته دې خپلواکي ورکړل شي، ترڅو په ځینو اړمنو حالتو کې د رغندونکي طریقو په لرلو، دکړنلارو په تبدیلولو سره ګته واخلي. هاله هدفونه په اسانۍ سره ترلاسه کیدی شي. که پروسجرونه مغلق او اوږده وي، شوني ده، چې د سرچینو د ضایع کیدو سبب وګرځي.

بېلګې: یوتن په شرایطو برابر او مستحق برحال محصل د لوړو زده کړو په موخه د بهر هيواد د تحصلي بورس څخه د ګټې اخیستنې لپاره نیت کوي. د پروسجر په تعقیبولو یې پیل کوي. ترڅو ټاکلي مهال ته یې پړاونه ووهي. خو د پروسجر د اوږدوالي له امله یو شمیر پړاونه پاتې کیږي. د اړوند هیواد د پوهنتون د داخلیدو مهال تیریږي او تدریسي بهیر پیلیږي. دغه مستحق محصل ردکیږي، چې پایله يې د تحصیلي بورس په ضایع کيدو تمامیږي.

داسې نورې بېلګې هم د رسمي چارو پرمهال لرو. که ولس مو د ژوند اړوند اسناد (تذګیره، پاسپورټ، لایسنس، واثقه، نکاخ نامه، تحصیلي اسناد، د موټر جواز او داسې نور) تر لاسه کوي او د اوږدو او بې ګټې اداري پروسجرونو او کړنلارو له امله ستړی کیږي او د دولت باور ته زیان رسیږي. که شوني وي، باید اداري پروسجرونه لنډ او ساده شي، ترڅو د قوانینو د تطبیق په موخه پړاونه اسانه شي.

پای – ۱۳۹۴ اسد ۲۸

416 total views, no views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2