Categories

اعلان

Loading…

د ملاعمر ورور د طالبانو په منځ کې د اختلاف په اړه خبرداری ورکړ

تاند- د طالبانو د پخواني مشر ملا محمد عمر اخوند ورور ملا عبدالمنان خبرداری ورکړ چې که د طالبانو ترمنځ د مشرتابه پر سر اختلاف ژر تر ژره حل نه شو په افغانستان کې دننه به د طالبانو په لیکو کې درز رامنځته شي.

له کراچۍ څخه د (ANI) خبري اژانس د راپور له مخې ملا عبدالمنان وویل، که ملا اختر محمد منصور او د نوموړي مخالفان ژر په خپل منځ کې ستونزې حل نه کړي، ښايي په افغانستان کې د طالبانو ترمنځ داخلي اختلاف او درز رامنځته شي.

د پاکستاني رسنیو د راپور له مخې، د منصور مخالفان وايي چې نوموړی د مشرتابه شورا (کوټې شورا) او علماوو شورا د غړیو د اکثریت له لوري نه دی غوره شوی خو د منصور پلویان وايي چې د مشرتابه شورا په سلو کې ۹۵ غړیو د منصور مشري تایید کړې ده.

د اې این آی د راپور پر اساس د طالبانو د علماوو د شورا یوه غړي مفتي معصوم افغاني وویل، د منصور مخالفانو د دیني عالمانو یوې منځګړې ډلې ته د فیصلې بشپړ واک ورکړی دی خو منصور موافق نه دی چې منځګړو دیني عالمانو ته د پرېکړې واک ورکړي.

دا په داسي حال کې ده چې مخکې ویل شوي و چې دواړو خواوو د دیني عالمانو شورا ته، چې د غړیو شمېر یې ۲۰ تنه دی، د فیصلې پوره صلاحیت ورکړی دی.

له بلې خوا ملا عبدالمنان وايي چې داسي معلومات یې ترلاسه کړي چې د منصور ملاتړي غواړي چې د هغو کسانو پر ضد فتوا صادره کړي چې د ده له مشرۍ سره موافقه نه کوي.

په همدې حال کې په کندهار او څو نورو ولایتونو کې د منصور د پلوي او مخالفو قومندانانو ترمنځ د نښتو خبرونه خپاره شوي او ادعا شوې چې په دغو نښتو کې مرګ ژوبلې هم پېښې شوي دي.

طالبانو په دې اړه څه نه دي ویلي او څرنګه چې د طالبانو تر کنترول لاندې سیمو ته د خبریالانو تګ راتګ اسانه کار نه دی دا ډول خبرونه څوک تایید او ردولی نه شي.

354 total views, 1 views today

enclosure:
http://www.taand.com/wp-content/uploads/2015/08/11.mp3 324406 audio/mpeg

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2