Categories

اعلان

Loading…

د کابل په انتحاري حمله کې ۱۲ تنه وژل شوي او ۶۰ ژوبل دي

تاند- افغان امنیتي چارواکي وايي چې د کابل ښار په نننۍ انتحاري حمله کې لږترلږه ۱۲ تنه وژل شوي او ۶۰ نور ژوبل شوي دي.

د عامې روغتیا وزارت ویاند وحید الله مایار وویل چې په دې پېښه کې ۱۱ تنه افغانان او یو بهرنی وژل شوي او ۶۶ نور ژوبل دي.

دې چاودنې، چې ماسپښین مهال د څلورم میکروریان په ساحه کې وشوه، ګڼې ودانۍ او موټرونه ویجاړ کړي دي. په زیانمن شویو ودانیو کې د شینوزاده روغتون هم شامل دی.

ګومان کېږي چې د حملې هدف د بهرنیو پوځیانو کاروان و چې په سیمه کې تېرېده. په وژل شویو کسانو کې د ناټو درې ملکي قراردادیان هم شامل دي.

اسوشیتید پریس خبري اژانس وايي چې د ناټو درې واړه قراردادیان افغانان دي. دا اژانس وايي چې په دې برید کې یو بهرنی هم وژل شوی دی.

امنیتي چارواکي وايي چې په دې پېښه کې اکثره مرګ ژوبله لارویانو ته اوښتې ځکه چې د چاودنې په مهال د خلکو ګڼه ګوڼه زیاته وه.

په همدې حال کې افغان طالبانو سمدستي په دې برید کې لاس لرل رد کړل.

200 total views, 1 views today

1 comment

  1. esaqzai Reply

    دا طالبان و یعنی د پاکستان مزدورانو

Leave a Reply

Your email address will not be published. Required fields are marked *

۸