Categories

اعلان

Loading…

هلمند مدني ټولني د افغانستان د خپلواکۍ د ۹۶یمي کلیزي په مناسب وینه ورکړه

د هلمند مدني ټولني د مشر سردار محمد همدرد تر څنګ د ولایتي شورا غړي بشیراحمد شاکر او په لسګونو مدني ځوانانو د هېواد د خپلواکۍ د شپږنیویمي (۹۶ یمي) کلیزي په ویاړ وینه ورکړه.
مدني فعالین د غازي امان الله خان د تل پاتي ویاړ د ساتني په خاطر بُست دولتي روغتون ته ورغلل او د ویني بانګ ته ئې وینه ورکړه.
د بُست روغتون روغتیا پالان وايي چي په روغتون کي د ویني د نشتون سره مخامخ دي، په داسي حال کي چي په سیمه کي د جګړې قربانیان او ټپیان ویني ته اړتیا لري.
د مدني ټولني مشر وایي چي د جګړې د قربانیانو او ټپیانو سره د ویني مرسته کوي او هر کله چي روغتیاپالان د ویني د ورکړي غوښتنه ځنې وکړي نه به ورته ونه وايي.
نوموړی وايي چي الله ج د قران شریف په یوه ایت شریف کي فرمايي: ((چاچي د یوه انسان ژوند وژغورئ، داسي دئ لکه د ټولو انسانانو ژوند چي ئې ژغورلی وي.))
په هلمند کي د ولایتي شورا د امنیتي کمېټې مشر بشیراحمد شاکر وايي: ((موږ د افغانستان د خپلواکۍ د ۹۶ یمي کلیزي په مناسبت د لسګونو مدني ځوانانو په شمول د خپلو سرتېرو د ستایني او ملاتړ په موخه بُست روغتون ته راغلو او وینه مو ورکړه.))
له نن څخه پوره شپږ نوي کاله وړاندي افغانانو د پاچا امان الله خان په مشرۍ د وخت له ځواکمني امپراتورۍ – بريتانيا څخه د خپل هېواد بشپړه خپلواکي وګټله.
غازي امان الله خان په ۱۹۱۹ زېږدیز کال اعلان وکړئ، ”زه خپل ځان او خپل هېواد په بشپړ ډول خپلواک اعلانوم.”
له کلونو کلونو د زمري /اسد ٢٨ نېټه د افغانستان په کليز کې عامه رخصتي وي، د جګړو تر کلونو مخکې دا جشن په خورا رنګينو، زړه راښکونکو، او شاندارو مراسمو لمانځل کېده.
د وخت څخه په ګټه اخیستنه د مدیني ټولني ټوله فعالین د هېواد ټول دروند او پتنمن ولس ته د افغانستان د ۹۶یمي کلیزي مبارکي وايي.

هلمندمدني ټولنه

6 total views, 1 views today

Leave a Reply

Your email address will not be published. Required fields are marked *