Categories

اعلان

Loading…

آزادي/ آصف بهاند 

څو ورځې کیږي چې د آزادۍ د ورځې په نامه هر څه یوې خوا ته ایښودل شوي او د ډیری هیواد والو خولې د آزادۍ په ویلو ستړې شوې. زموږ دا ډول هیواد وال د هغه څه په باب چغې وهي چې هیڅ نه شته. ښايي دا به زموږ د ځینو خلکو او یا ټولنې په یوه عادت بدله شوې وي چې د هغه څه په باب غږیږي او نارې سورې وهي چې هیڅ شتون نه لري.

پرته له شکه چې د اسد اته ویشتمه له انګریزانو څخه د استقلال د بیرته تر لاسه کولو ورځ ده، باید یادونه یې وشي، لمانځنه یې وشي، د هغو فدا کاریو یاد بیا تازه کړای شي چې زموږ پلرونو د آزادۍ د تر لاسه کولو له پاره کړي دي، دا کار دې په هسکه غړه وشي، خو همدا اوس عملاً موږ له هیڅ پلوه آزاد نه یو.

له فکري پلوه آزاد نه، بلکې تړلي یو، فکر مو بندي دی، داسې تړل شوی دی چې د یو ګام مخکې تګ امید یې هم نه شته او لکه نانځکې د نورو په اشارو، د نورو د ګټو ـ وټو له پاره ګډول کیږو.

له سیاسي پلوه مو هسې هم ټول ښه او بد د نورو په لاس کې دي، موږ هغه وخت ور باندې خبریږو چې کار له کاره تیر وي او لکه د چا خبره د هغه شوي کار تاریخ نور تیر وي.

له اقتصادي پلوه مو لاس پښې داسې تړلي چې تولید څه چې د تولید فکر هم نه شو کولای. د ژوند ټولې لومړنۍ اړتیاوې څه چې، پنځه سلنه یې هم نه شو جوړولای. د یوې ستنې او تار له پاره مو هم لاس بل ته ور غځیدلی وي.

د بیسوادۍ او نا پوهۍ او نورو «هۍ هيو» په وجه مو له وطن نه بې سر پوښه دیګی جوړ دی، او په بې سر پوښه دیګي کې د هر څه د لویدو امکان شته. د پوښتنې څوک نه شته او بې څښتنه بڼ ته هر څوک، هر وخت راځي او هر وخت یې چې زړه و، بیرته ورنه وزي او … خلاصه له هیځ اړخه آزاد نه یو، خو ستوني مو د آزادۍ په بیا بیا ویلو باندې وشکول.

داسې نه ده چې زه دې ګوندې د آزادۍ مخالف اوسم، ښايي زما به د مینتوب تر بریده آزادي خوښه وي، خو زه په دې عقیده یم چې «باد په توره نه وهل کیږي»، په  تشو خبرو هیڅ هم نه تر لاسه کیږي. زموږ فرهنګیان دې له تشو نارو سرو نه، دې ته کار وکړي چې ټول خلک، په تیره نوی نسل د نا پوهۍ او بیسوادۍ له ځنځیرونو را خلاص او آزاد کړاي شي، څو د پوهې د تر لاسه کولو او تولیدي ژوند په فکر کې شي، په دې ډول به وکولای شو له هره اړخه ریښتینې آزادي تر لاسه کړو.

تر څو چې مو د ټولنې فکر د جهالت په تارونو تړلی وي، د آزادۍ توری هیڅ مانا نه لري. خلک د نا پوهۍ له دامونو را خلاص کړئ، بیا د آزادۍ توری زمزمه کړئ!

کلونه پخوا مې د «آزادي» تر سر لیک لاندې یو آزاد شعر لیکلی و. دغه آزاد شعرمې د ۱۳۷۳ کال داسد په میاشت کې، د همدې میاشتې د اته ویشتمې ورځې په مناسبت، له ماسکونه په خپریدونکې ورځپاڼې (هندوکش) کې خپور کړی و. بیا مې د ۲۰۱۲ کال د اګست په اتلسمه نیټه په ځینو نورو آدرسونو کې خپور کړ.

http://tolafghan.com/posts/25905

 سږ کال مې ډیره هڅه وکړه چې په دې باب به پټه خوله پاتې شم، خو ډیرو ستونو شکیدو ته مې په کتو سره د دغه شعر او ورسره د پاسنۍ یادونې خپرول اړین وګڼل. دا هم شعر:

آزادي

آزادي تـــــرپادشــاهیـــه لاتیری کــــا
چې دبل ترحکم لاندې شي زندان شي

(خوشال)

آزادي

څه؟
څه دې ووې؟
آزادي!
آزاد له څه شي؟
آزاد له هرڅه
خو،
موږه بندي وو
لکه تل
اوبندي یولکه اوس
اوبندي به اوسو
موږته وطن کله تیاره شو،لکه کفر
چې تیاروکې مخ په ښکته لاړو
اوکله روڼ شوداسلام په نامه
چې رڼایي  یې
زموږله سترګوڅخه
رڼایي واخستله،
اوس د ړندوپه شانې
دلته اوهلته دکفرو وطن کې
دآزادۍ په نامه
کله خندا دلیونوپه شانې
کله ژړا دیتیمانوپه څیر

۲۸/۰۵/۱۳۷۳

(مروره مځکه، ۶۷ــ ۶۸مخونه)

267 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

 تر استقلال وروسته په افغانستان کې اقتصادي او عمرانی چارې…

د افغانستان د خپلواکۍ د ترلاسه کولو د سلمې کلیزې په مناسبت: پوهاند محمد بشیر دودیال مقدمه خپلواکي  یواځې د هغې د معنوی…

 تر استقلال وروسته په افغانستان کې اقتصادي او عمرانی چارې او ریفورمونه

21 Jul 2019 خپلواکي کالمونه مقالې تاند Comments (1)

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

پاچا امان اله، د دوه ښکېلاکګرو هېوادونو په مينځ کې

ستادشهسوارسنګروال برېتانیا له یوې خوا پدې پوهېده چې اوس یې به نورو ستونزو او وسوسو سربېره په سیمه کې افغانستان ته…

پاچا امان اله، د دوه ښکېلاکګرو هېوادونو په مينځ کې

15 Aug 2019 خپلواکي مقالې تاند Comments (1)

نور

په افغانستان کې له خپلواکۍ وروسته اداري ریفورمونه او نور…

پوهاند محمدبشیر دودیال سریزه    په ۱۹۱۹م. کال کې  افغانستان د  امان الله خان تر مشرۍ لاندې، د افغانستان د زړور ملت په…

په افغانستان کې له خپلواکۍ وروسته اداري ریفورمونه او نور مترقي پروګرامونه

16 Jul 2019 ټولنیز علوم خپلواکي کالمونه تاند No comments

نور

حکومت د بیګاني خونړي برید له کبله د خپلواکۍ د…

تاند، یکشنبه، د اسد ۲۷مه: تاند ته د ارګ یوې مؤثقې سرچینې د ورکړیو معلوماتو په اساس د کابل شهر…

حکومت د بیګاني خونړي برید له کبله د خپلواکۍ د سلمې کلیزې جشن وځنډاوه

18 Aug 2019 خبرونه خپلواکي م. عاصم خوږیاڼی No comments

نور

حکومت د خپلواکۍ سلمه کلیزه په ۳۸۴ میلیون افغانیو نمانځي

تاند نیوز ډیسک: افغان حکومت مالیې وزارت ته امر کړی چې د خپلواکۍ د بیا ګټلو سلمې کلیزې نمانځنې لپاره…

حکومت د خپلواکۍ سلمه کلیزه په ۳۸۴ میلیون افغانیو نمانځي

24 Jun 2019 خبرونه خپلواکي م. عاصم خوږیاڼی Comments (2)

نور

خپلواکي او ازادي (Independence and Freedom)

 اسدالله نورزی     هر کال چې د خپلواکۍ د لمانځلو ورځ رانږدې شي نو په ځوانانو کې په پراخه توګه بحثونه…

خپلواکي او ازادي (Independence and Freedom)

19 Aug 2018 خپلواکي مقالې تاند No comments

نور

خپلواکي او ترشا یې لوی مکتب | سیف بېژن

شاه امان الله له هغې ورځې چې د افغانستان خپلواکي یې له انګلېس څخه د سختو جګړو او مبارزو وروسته…

خپلواکي او ترشا یې لوی مکتب | سیف بېژن

19 Aug 2017 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور
  • 1
  • 2