Categories

اعلان

Loading…

افغان ځواکونه د هلمند له يوې ستراتيژيکې ولسوالۍ ترشا شوي

افغان امنيتي ځواکونو د هلمند ولايت له نوزاد ولسوالۍ تاکتيکي شاتګ کړى دى. نوزاد د هلمند په شمال کې پرته ده چې په ورڅېرمه ولسواليو موسى کلا، سنګين، کجکي او نورو سيمو کې درنې جګړې شوې دي.

په دې ولسوالۍ کې بهرنيو ځواکونو د څو کلونو لپاره د امن د ټينګښت لپاره له وسلوالو طالبانو سره جګړه کړې ده.

وسلوالو طالبانو د دوبي په وروستيو کې په دې ولايت کې خپل بريدونه زيات کړي دي.

دې ډلې د افغانستان په شمال کې هم ځينې ولسوالۍ او سيمې ونيولې، خو له لاسته راوړنو سره- سره زيات تلفات وراوښتي او داعش ډلې هم کمزوري کړي دي.

د هلمند ولايت چارواکو نن رويټرز اژانس ته وويل چې د طالبانو په حملو کې د ملکيانو د خونديتوب لپاره د دې ولسوالۍ مرکز درې کيلومتره ليرې بل ځاى ته انتقال شوى دى.

د هلمند د والي وياند عمر ځواک وويل د نوزاد ولسوالۍ پر شا و خوا د عامو خلکو کورونه دي، چې د طالبانو د حملو په صورت کې دوى ته هم زيان رسېدلاى شواى.

د وسلوالو طالبانو وياند قاري يوسف احمدي وويل دوى دغه ولسوالي نيولې او ګڼ پوليس او سرتېري هم ورتسليم شوي دي.

222 total views, no views today

Leave a Reply

Your email address will not be published. Required fields are marked *

۸