Categories

اعلان

Loading…

ډرامه/ لیکوال نورمحمد سعید 

د جلالي بابا زیارت دیوال سره څلوېښت، پنځوس کسه پیتاوي ته ناست وو.

 دغه زیارت د سند ایالت له ساحلي ښار ټټې نه څه باندې اتیا کیلومتره لرې سجاول سره نژدې دی.

که ګرمي یې د سړي ساه تربتوي، نو یخني یې له انسانه څرمن کاږي.

 د زیارت شاوخوا د جوارو، غنمو، ګنو او پنبې کروندو نیولې. خو ځمکه یې د سمندر له مالګو  خوندي نه ده.

تر بدینه پورې همداسې ځای ځای تروې شورې معلومیږي. یوه ټوټه شنه وي، بله بیا د تروو اوبو ډنډ. ښپیته ډوله حشرات پکې کرۍ شپه او ورځ اتڼونه کوي.

 خو دې سره د زیارت کونکو ګڼه ګوڼه هم تل په یوه حال وي. اکثر زیارت ته له لرې او نژدې رواني ناروغان وروړي. ډېر په دې باور دي، چې زیارت کې سم دم لیوني په سد کېږي.

لس، دوولس کاله مخکې به یې ځینې دغه ناروغان زیارت سره ولاړې ستنې پورې تر میاشتو تړلي وو. ځینو به چې لږ په( سد ) وو د زیارت شاوخوا ودانو کوټڼیو کې د رغېدو په تمه شپې سبا کولې.

 د برنډې پر یوه څنډه له ( روغو ) سره ناست وم، چې له زیارته یوه ناروغه پیغله راووته، په ځنګېدو راغله او ځوړند سر مخامخ راته کښېناسته.

ورپسې یوه د پاخه عمر ښځه په منډه له زیارته راووته. په نجلۍ یې سترګې ولګېدې، نوک نیولې شوه. یو سپین ږیری هم له یوه لوره راپیدا شو. نجلۍ ته یې وکتل، بیا یې ښځې ته په ټیټ غږ وویل:

–        څنګه ده؟

–      ښه ده، کراره ده!

ښه شېبه دواړو خواږه ورکتل. وروسته یوې ډډې ته کېناستل. ګلالۍ غنم رنګه پیغلوټې وه. شېبه تر منځ به یې غټې تورې سترګې راپورته کړې. یوه بل لور ته به یې وکتل.

خدایزده ولې یې په سترګو کې د لیونو غوندې، وېره، ترحه یا وحشت نه معلومیده. زړه کې مې ویل، د هسټریا ناروغه به وي. اورېدلي مې و، چې ځینې نجونې دغه عمر کې د ذهني فشار یا تر ډېره بې واده پاتې کېدو له کبله په دغې ناروغي اخته کېږي.

خو پلار مور یې چې کلیوال معلومیدل ښايي د رواني مسایلو په جنجالونو خبر هم نه وي، ځکه یې پرې د لیونتوب ګومان کړی، په زیارتونو یې ګرځوي.

نجلۍ بیا سر راپورته کړ. دا ځلې یې د سترګو رنګ اوښتی و. لکه هوسۍ چې له ویشتل کېدو وروسته ښکاري ته ګوري، د دنیا جهان ډار، کرکه او بې چارګي یې پر مخ له ورایه معلومیدل.  له سترګو يې د جنون سپرغۍ باديدې. لاسونه یې د مرغۍ وزرو غوندې پورته کړل.

 چیغې ته یې چې خوله خلاصوله وار مې ړومبی کړ. اوس هم نه پوهیږم څنګه پاڅيدم او څنګه مې د برنډې نژدې یو متر کټارۍ بل لور ته ټوپ وهل.

دومره مې یاد دي، چې د ټوپ وهلو وخت کې یې د شا له کمېسه ونیولم. په خاورو خځلو کې له (  safe landing) وروسته مې ایله پام شو، چې د کميس شاتنۍ لمن مې په کټارۍ  پوري پاتې وه.

نجلۍ مور او پلار ترلاس نيولي بېرته زيارت ته څکوله. ولاړو خلکو به کله په خواشینۍ د نجلۍ خوا ته ورکتل او کله به يې ماته وکتل، موسکي به شول.

سبا شین کهیځ د زیارت شاته د لویې ویالې پر غاړه چکر ته ووتم. ویاله بدین ته د  غځیدلي سړک له غاړې سره تر ډېره ځایه جوړه پرته ده. یو نیم ځای پرې د شاوخوا کلیو تر منځ د تګ راتګ لپاره کوچني پلچکونه جوړ دي.

ختیځ کې د اسمان پر لمن سوکه رڼا خپریده. لږ لرې پلو پورې ولاړې ونې لا هم د تور دیوال غوندې معلومیدې. د ویالې غاړې واښه په شبنم لامده خوشته وو.

د دغې سیمې د تورو کوبرا مارانو کېسې مې هم اورېدلې وې. په احتیاط مې ګام اخیست. د ویالې سره نرۍ غځېدلې لاره ناڅاپه کږه شوه. دلته د ګڼو ونو منځ کې لاره پله ته ختلې او د ویالې بل لور ته پاخه سړک سره یو ځای شوې ده.

له لرې مې دغه ځای کې لرګینې ګاډۍ لیدلې وې، چې غوایانو به څکولې او بزګران به له سړکه همدلته دغو ګاډیو کې کروندو ته کوزیدل. په پله له ختلو سره سم مې ایکې یوازې ښځه ولیده، چې غوټه په لاس کې ولاړه وه.

 چې مخ یې راواړاوه، زړه مې خولې ته راغی. نژدې و، له ډاره ویالې ته ټوپ کړم. هماغه ليونۍ وه چې پرون يې د زيارت په برنډه کې پرې راټوپ کړي و او نيم کميس مې داوسپني په کټارۍ کې ورپرې ايښی و.

خو اوس له پېښې تېښته نه وه ، د بېرته ګرځيدو وار هم تېر و. د پله په نيمايې کې وم. په لړزانده پښو  یې مخې ته تېر شوم. نانګاره ولاړه وه. شاته مې وروکتل، هغې هم راکتل. ژر یې مخ واړاوه.

 شکر ونه مې وایستل. خو اندېښنه مې شوه. له ځانه مې وپوښتل، چې دا لیونۍ به په دې شنه ګهیځ د پله پرسر څه کوي؟

خوارکۍ له ځانه ناخبره ده، هسې نه په خپل سر راوتلې یې، چې مور پلار یې خبریږي، اوبو ته ځان وغورځوي او یا په کوم بل مصیبت اخته شي.

همدې فکر کې به له پله به ایله کوز وم، چې د مخامخ ونو له منځه پر  راوتلې نرې لار یو موټر سایکل راووت.

زلمکي هلک پرې ناست و. یو نظر یې په غور راوکتل، خو ژر یې سترګې لارې ته واړولې. لیونۍ لا هم پر خپل ځای ولاړه وه. موټر سایکل یې مخې ته ودرید. تقریباً پرې ورټوپ یې کړل. یو لاس یې د هلک پر اوږه کېښود، په بل یې غوټه سمبال کړه. مسکۍ شوه:

–     مامکیه سوري، پرون دې زما ډرامې کې جامې وشلیدې!

 حیران دریان ولاړ وم، نه پوهیدم څه پېښه ده، چې هلک د موټر سایکل غوږ تاو کړ. د سترګو په رپ کې دوی دواړه او موټر سایکل یې د لوی سړک پر سر له باد سره ملګري شول.

386 total views, 1 views today

4 comments

  1. مومن Reply

    لیکني مو ډیرې خوندوري وي، او انځورونه یي په دقیق ډول ښکل شوي دي، او دومره تلوسه لري چې د لیکني تر پایه دي له ځان سره کاږي. الله تعالی دی د نورو لیکنو توفیق هم درکړي.

  2. محمد عارف رحیمي. Reply

    ډيره ښکلې ژوره او خوندوره کیسه وه، ډير خوند مې ترې واخیست او پای مې يې ډير خوښ شو.

  3. امان افري Reply

    خوندوره قيصه ده
    ډېر ښه

  4. Asad ahmadzai Reply

    Reply
    لیکني مو ډیرې خوندوري وي، او انځورونه یي په دقیق ډول ښکل شوي دي، او دومره تلوسه لري چې د لیکني تر پایه دي له ځان سره کاږي. الله تعالی دی د نورو لیکنو توفیق هم درکړ

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2