Categories

اعلان

Loading…

د امریکا سفارت: د افغان مذاکراتي پلاوي کلک ملاتړ کوو

د امریکا سفارت: د افغان مذاکراتي پلاوي کلک ملاتړ کوو

تاند، پنجشنبه، د حمل ۱۴مه: په افغانستان کې د امریکا د سفارت سرپرست راس ویلسن وايي، د افغان دولت له مذاکراتي پلاوي څخه په کلکه ملاتړ کوي. راس ویلسن نن پنجشنبه په یو ټویټ کې ویلي، پر یووالي، چمتووالي، مؤثریت او…

02 Apr 2020 خبرونه م. عاصم خوږیاڼی No comments

نور

د پوهنې آمریت، ټریننګ سنټر او یو ښوونځي نوې ودانۍ پرانېستل شوې

خبرپاڼه
۲۵ زمری ۱۳۹۴

د هلمند ولایت په ګرشک ولسوالۍ کې د پوهنې آمریت، ټریننګ سنټر او د همدې ولسوالۍ د بایزو لېسې نوې جوړې شوې ودانۍ د ولایت د والي، پوهنې رییس او یو شمېر نورو ولایتي چارواکو له لوري د پټۍ په پرېکولو سره رسماً ګټې اخیستنې ته وسپارل شوې.
د ګرشک د پوهنې آمریت نوې دوه پوړیزه ودانۍ ۱۲ اداري خونې، د کنفرانسونو تالار او نورې اړینې اداري اسانتیاوې لري. د ټریننګ سنټر ودانۍ بیا ۱۳ اداري خونې، د کنفرانسونو تالار، د احاطې دیوال، د اوبو څښلو څاه او نورې لازمې اسانتیاوې لري. پر دواړو  ودانیوڅه باندې ۲۷۶ زره امریکايي ډالره لګښت راغلی، چې په کابل کېد ډنمارک سفارت له لوري ورکړل شوي دي.
د بایزو لېسې نوې یو پوړیزه ودانۍ ۱۲ درسي ټولګي، ۲ اداري خونې او نورې لازمې ښوونیزې اسانتیاوې لري، چې د سیمه ییزو ارګانونو د خپلواکې ادارې د سپډ پروګرام په ۱۳ میلیونه افغانیو جوړه شوې ده.
د هلمند د پوهنې رییس عبدالمتین جعفر په دې اړه جوړه شوې غونډه کې له مرسته کوونکو موسسو څخه دیادو ودانیو د جوړېدو له امله مننه وکړه او له زده کوونکو او ښوونکو یې وغوښتل، چې په سمه توګه یې ساتنه وکړي.
د یادو ودانیو په پرانېست غونډه کې د هلمند والي، د پوهنې رییس، د یو شمېر دولتي ادارو مسوولینو، د سیمې قومي مشرانو، ښوونکو او زده کوونکو برخه لرله.

د پوهنې وزارت د اطلاعاتو او نشراتو ریاست

Leave a Reply

Your email address will not be published. Required fields are marked *