Categories

اعلان

Loading…

افغان الف لوبډلې په یو ورځینۍ سیالۍ کې کوربه لوبډلې ته ماتې ورکړه

د افغانستان الف او د سریلانکا پرمختیایي لوبډلو ترمنځ د یو ورځینیو سیالیو د لړۍ لومړۍ لوبه د افغان الف لوبډلې په ګټه پای ته ورسیده. د لوبې پچه د سریلانکا پرمختیایي لوبډلې لوبډلمشر وګټله او د توپوهنې پریکړه یې وکړه. دوی د ټولو لوبغاړو په سوځیدو سره افغان الف لوبډلې ته د ۲۴۰ منډو هدف ورکړ. د افغان توپ اچونکو لخوا حمزه هوتک د سیالې لوبډلې څلور، حشمت الله شهیدي ۲ او فرید ملک یو لوبغاړی وسوځاوه.

افغان الف لوبډلې ورکړل شوی هدف د سیالۍ په ۴۹ اوور کې د ۷ لوبغاړو په سوځیدو سره بشپړ کړ چې له ډلې یې نورعلي ځدراڼ ۵۳ او حشمت الله شهیدي ۸۷ منډې جوړې کړې.

حشمت الله شهیدي او حمزه هوتک د سیالۍ غوره لوبغاړي ونومول شول.

د افغانستان کرکټ بورډ اجراییوي رئیس شفیق الله ستانکزي ټولو هیوادوالو ته د نننۍ بریا مبارکي وویله او ویې وییل چې ځوانو لوبغاړو خپله وړتیا او پر راتلونکي ډاډ ثابت کړ.

81 total views, 1 views today

1 comment

  1. Noorajan"Ahmadzai" Reply

    یقینآ چی افغان اتلان ددی وړتیا لری ،او انشاالله دوی به ډیر روښانه راتلونکی ولری

Leave a Reply

Your email address will not be published. Required fields are marked *