Categories

اعلان

Loading…

د محمد نعمان دوست دوې تازه لنډې لیکنې

نکاح

زوی ته یې دسمال اخیسته. حجره کې راټولو کسانو ته یې تقریر شروع کړی و. د شهادت فضایل او انعامات یې بیانول.
مخامخ ناست ځوان ور ته په ځیر ځیر کتل او ورو ورو یې شونډې خوځیدې، شاید ویل یې:
د خپلو زامنو نکاح نجونو سره تړئ او د پردیو اولادونو له حورو سره!

محمد نعمان دوست، کابل

د زمري ۱۵مه، ۱۳۹۴

——————————————-

درد

مور د خپل واړه زوی سر ته ناسته وه، د هغه پرې شوې پښې ته یې په ډند سترګو کتل، یو ناڅاپه یې چیغه کړه:
خدایه! چا چې زما د زوی پښه پرې کړي وي، خپل بچي یې په همدې حال کړې.

ماشوم نیغ کښیناست، د مور پر خوله یې لاس کیښود او په بند بند غږ یې وویل:
نه، مورې نه. پښه مې ډیر درد کوي، دا درد مې په همزولو نه دی پیرزو!

محمد نعمان دوست، کابل

د زمري ۱۹مه، ۱۳۹۴

9 total views, 3 views today

Leave a Reply

Your email address will not be published. Required fields are marked *