Categories

اعلان

Loading…

امنیت شورا: د افغانستان د وروستیو حملو عاملان باید د عدالت منګولو ته وسپارل شي

تاند- د ملګروملتو امنیت شورا د یکشنبې په ورځ وویل چې د افغانستان په پلازمېنه کابل کې پر له پسې وژونکې تروریستي حملې په کلکه غندي او په دې تاکید کوي چې د دغو خواشینوونکو اعمالو عاملان باید د عدالت منګولو ته وسپارل شي.

د ملګروملتو په وینا د افغانستان په وروستیو تروریستي بریدونو کې، چې د سې شنبې له ورځې پیل شوي، د ماشومانو په شمول لږترلږه ۷۰ تنه وژل شوي او په سلګونو نور ژوبل شوي دي.

د ملګروملتو د امنیت شورا ۱۵ غړیو هیوادونو په یوه اعلامیه کې، چې په نیویارک کې یې خپره کړه، ویلي، دا شورا د دغو وحشیانه حملو د قربانیانو له کورنیو او د افغانستان له حکومت سره خواخوږي او غمرازي ښکاروي.

امنیت شورا د دغو حملو ټپیانو ته د ژر تر ژره روغتیا هیله کړې او دا یې ضروري بللې ده چې د دغو حملو عاملان باید عدالت ته کښېکاږل شي.

په اعلامیه کې وړاندې راغلي دي:«د امنیت شورا غړي په ټولو امکاناتو، د ملګروملتو له منشور سره سم د تروریستانو له لوري نړیوالې سولې او امنیت ته له ګواښ سره د مبارزې پر اړتیا ټینګار کوي او هر ډول تروریستي اقدام که په هر هدف، د هر چا له خوا، هر ځای او هر وخت وي، جنایت او د نه توجیه وړ بولي.»

امنیت شورا له هیوادونو غوښتي چې باید د نړیوالو قوانینو په تېره بیا د بشري حقونو، کډوالو او بشري قانون مطابق د ترهګرۍ پر خلاف د مبارزې لپاره خپلې ژمنې عملي کړي.

امنیت شورا تاکید کړی دی چې هیڅ راز تشدد یا تروریستي عمل په افغانستان کې د افغانانو په مشرۍ د سولې، ولسواکۍ او ثبات، چې د افغانستان خلک، حکومت او نړیواله ټولنه يې ملاتړ کوي، مخه ډب کولی نه شي.

په افغانستان کې د ملګروملتو مرستندوی دفتر یا یوناما، پاکستان، ایران، هند او یو شمېر نورو هیوادونو هم د افغانستان وروستۍ تروریستي حملې غندلي او له افغان دولت او ملت سره یې خواخوږي څرګنده کړې ده.

311 total views, 2 views today

4 comments

  1. fahim Reply

    امنیت شورا خو پدی ښه پوهیږی چې افغانان او او د بین المللي ټولنې سرتیري ( امریکایان) د چا په همکاری هره ورځ وژل کیږی او دوی ورته پټه خوله ناست دي. دا اوس اوس هره ورځ په افغانستان کې په رزهاو انسان او څه خارجي عسکر ددوی په منحوسه لاسونو وژل کیږی او نړی قدرتونه یوازی په خبرو هغه تقبیح کوی. ددغې خاصې استخباراتی ډلې په مستقیمه سیاسی، اقتصادي، نظامي او ایدیولوژیکي مرسته پدی دولسو کلونو کې څه کم نیم میلیون افغانان او څه باندی پنځه زره خارجي عسکر وژل شوی او اوس هم دوام لري خو اوس هم ټول ورته ګوري. زه ښه پوهیږم چې نړيواله ټولنه پدی هکله یو څه ستونزي لري او یوه ورځ به دغه ډله حتمآ په خوله ووهي خو د خلکو حوصله سر ته رسیدله او د امنیت شورا باید پدی هکله یو څه وکړي

  2. h.s.z. Reply

    salam;
    iela biela che UN security council yawtsza d`Afghanistan pa shahidano rawikh shoo.
    Nor hevadoona kho sahih magar;– pakistan & iran d` temsah okhki di; aw a`melin yi hamdoy diy. d` ayn & ghayn gaddola hokomat 1-2 sheriffan ba tlly wo kana aibottabad ta pa 24 h. ki yi laka d Peshaver penjabi ddrama ? jorra nakrra sway!

  3. څارنوال علیزی Reply

    ښاغلی : امنیت شورا اکثرا هغه څوک دی چی دناټو دنظامی کمپ غړی اوهمدا ناتو په سرکی امریکاده چی په افغانستان باندی دغه حال راوستلی دی او د همدا دناتو اوامریکا عسکر په افغانستان لا تراوسه هم شته او وی به . پداسی حال کی چی نړی ته داثابت سول چی دتروریزم ځالګی په پاکستان اود همهغه ځایه تنظیم ، تجهیز ، تمویلاوافغانستاته را لیږل کیږی مګر هیچاونه ویل چی داباکستان دی اوپاکستان یی تر افغانستان دوست دی اوهمدا امریکا اوانګریزدی چی دباکستان سره دتروریزم سره دمقابلی تر نامه لاندی مرستی کوی مګر باکستان په هغو مرستو دافغانستان مسلح مخالفین تمویل اوتجهیزکوی ا و امریکا او انګریز ددی روښانه واقعیتونو څخه اغماز او سترګی پټوی اوهمدا امریکا او انګریزی دی غواړی دافغانستاجګړه نوره هم اږوده شی ترڅو دوی په سیمه کی خپلو استعماری موخوته ورسیزی او پاکستان هم ځانته دافغانستان څخه خپلی شومی موخی اوغوښتنی لری نوځکه دوی یو هم نه غواړی چی په افغانستانکی جګړه ژر ختمه شی ، ددروغو زړاکوی همدی ووژنی پخپله هم ژړا درباندی کاندی .

  4. Bashir Reply

    آمنيت ښوروا دخولې چالاکي کوي دا ددوئ سياست دئ هم ئې پر ميخ وهې هم ئې پر نال داانفجارچه په کابل يا دهيواد په هر کونج او کنار کي تر سره کيږې ددوئ په دستور کيږې دا رقم سياست فکي ستان دخپلو پلرو څخه ذده کړۍ دۍ پر يوه سر ئې دصلحې پروسه پر مخ بيائې پر بل سر دجنګ پروسه ومخ ته وړي په يوه لاس کي ئې قران دئ په بل لاس کې ئې توره ده ورځ په ورځ دخپلو پلرو ځخه هدايت تر لاسه کوې که دده زور ونه رسيد دمور مينده ئې حمله کوې ښه مثال ئې دلوګر پر پوستو هوائې بريد
    يو سوال زموږ هغه۷۵۰ جنګي آلوتکي څه سولې هغه محاربوي وسايط چه دډاکټر نجيب آلله په وخت کې وه څه سول چا دمنځه يوړل دکوم هدف دپاره ئې داکار وکړ همدا دآمنيت شورا او دهغودحاميانو په دستور

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2