Categories

اعلان

Loading…

فکر او عمل/ سید اصغر هاشمي

انسان اشرف المخلوقات دی او په ژوندیو او غېر ژوندیو توکو کې د ښه او پر ځای فکر کولو توان ورته الله تعالی ورکړی دی.

دی باید فکر وکړي او ټولنې ته د خیر کارونه وکړي. فکري قوت، فکري تمرین، او فکري تمرکز یې د ځان او ټولنې د خیر ښېګڼې لپاره وي.

ای انسانانو فکر او عقل لرئ، باید ځان او ټولنې ته خدمت وکړئ، خو بیا هم اکثره له تاسو د ډېرو هغو توکو بتر دي، چې نه عقل لري او نه پوهه لري، خو بیا هم خدمت کوي.

کاش چې ځینو انسانانو له دغو توکو عبرت اخیستی او د انسانیت حق یې ادا کولی.

پلونه په ډېر عاجرانه ډول ځای پر ځای مستقیم په یخني او ګرمي کې د انسانانو په خدمت کې دي او ستونزې یې هواروي. درانه درانه پیټي او بارونه پرخپلو اوږو باروي او هیڅ کله د انسانانو په مقابل کې سرکشي نه کوي، خو په انسانانو کې څومره انسانانو د نورو انسانانو بار له اوږو واخیست، کوم انسان له بل انسان سره بې مقصده او بې هدفه د بل انسان سره ښه وکړه، په څومره انسانانو کې د پول په اندازه کمیني او برده باري شته.

هو! د دې بافکره انسان نه هغه بې فکره پول ډېر ښه دی، د دې کبرجن نه هغه بې کبره پول ډېر ښه دی.

ځمکې باندې څومره زیات تعداد انسانان ګرځي، څومره پیدا شوي توکي یې پر سر پراته دي، څومره د نړۍ د توکو لپاره د خدمت مصدر ګرځیدلې ده. ایا انسان د ځمکې حق ادا کولای شي؟ ایا په خدمت کې ورسره سیالي کولای شي؟

ونې په ګرمي او یخني کې مستقیمې ولاړې وي، خاص د انسانانو د خدمت لپاره. ښکلې، خوندورې او رنګا رنګ میوې نیسي او انسان یې خوري، کله یې هم خپلې میوې پر انسان خرڅې نه کړې، کله یې هم له احسانه ډکه میوه انسان ته ورنه کړه. داسې څومره انسانان به په ټولنې کې ولرو، چې دمیوه لرونکیو ونو په شان دې په کلونو کلونو انسان ته بې هدفه او بې احسانه میوې او دانې ورکړي.

اسمانونه وګورۍ، شین شي، وریځ شي، بارانونه ورنه وشي، میوې دانې پخې کړي او هر وخت د انسانانو په خدمت کې وي، خو ډېر کم انسانان به د نورو انسانانو خدمت وکړي.

ای انسانه! ته څه ډول فکر او عقل لرې، چې کارونه دې د بې فکرو نه بتر دي . لږ عقل خو د پول، اسمان، ونې او ځمکې نه یاد کړه، چې څومره په مینه د انسانو خدمت کوي. ته خو تش په نوم انسان یې.تا خو په معنوي لحاظ د انسانیت حق نه دی ادا کړی.

تا کبرجن نه خو څو مرتبې کمینه ځمکه او پلونه بهتره دي. حال دا چې پلونه ستا په واسطه د خدمت لامل ګرځیدلي دي، خو ډېر وخت داسې کارونه وکړی، چې ټول ښه دې په سیند لاهو شي.

فکر وکړه او عمل وکړه، لکه بې فکره او بې پوهې ځينې توکي چې عمل کوي.

155 total views, 2 views today

1 comment

  1. mansoor Reply

    nice latters

Leave a Reply

Your email address will not be published. Required fields are marked *