Categories

اعلان

Loading…

د ترکیې ولسمشر او د پاکستان صدراعظم د افغانستان د سولې خبرې ضروري وبللې

تاند- د پاکستان او ترکیې مشرانو د افغانستان د سولې د خبرو پر ضرورت ټینګار وکړ.

د پاکستان صدراعظم محمد نوازشریف او د ترکیې ولسمشر رجب طیب اردوغان وویل چې د افغانستان د حکومت او طالبانو ترمنځ د سولې خبرې په سیمه کې د تلپاتې سولې او ثبات لپاره ضروري دي.

دوی دا خبره پرون ماښام اسلام اباد ته نژدې په نور خان هوايي اډه کې وکړه.

د ترکیې ولسمشر ښاغلی اردوغان چې له اندونیزیا او چین څخه خپل هیواد ته ستنېدو، په پاکستان کې لنډه دمه وکړه.

اردوغان د افغانانو ترمنځ د خبرو د زمینې د برابرولو په خاطر د پاکستان د هڅو ستاینه وکړه.

له بلې خوا د افغانستان او پاکستان لپاره د امریکا خاص استازي ډانیل فیلډمن، چې پاکستان ته تللی، پرون د دغه هیواد له لوی درستیز سره ولیدل.

ده د افغانستان د سولې د خبرو په برخه کې د پاکستان په تېره بیا د پاکستان د پوځ د لوی درستیز د «مثبتو» هلوځلو ستاینه وکړه.

ښاغلي فیلډمن هیله ښکاره کړه چې د افغانستان د سولې خبرې به بېرته ژر پیل شي څو په افغانستان کې سوله او ثبات ټینګ شي.

ټاکل شوې وه چې تېره جمعه/ جولای ۳۱مه/ د افغانستان د حکومت او طالبانو استازي په مري کې د دوهم ځل لپاره مخامخ خبرې وکړي خو د طالبانو د پخواني مشر ملا عمر د مړینې د خبر د خپرېدو او د نوي مشر پر سر د طالبانو د مشرتابه په شورا کې اختلافات سبب شول چې د سولې خبرې تر نامعلومې مودې پوري وځنډول شي.

272 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2