Categories

اعلان

Loading…

د امریکا دفاع وزیر وايي، ځواکونو یې د القاعده عملیاتي قومندان وژلی

تاند- په افغانستان کې د امریکايي ځواکونو په یوه هوايي حمله کې د القاعده شبکې یو مهم قومندان، چې په ځانوژونکو بمي حملو تورن و، له دوو نورو سختدریځو سره وژل شوی دی.

د متحدو ایالتونو دفاع وزارت د دغه هیواد د دفاع وزیر اشتن کارتر له قوله وویل، په دې حمله کې چې د جولای په یوولسمه یعني دیارلس ورځې مخکې په پکتیکا ولایت کې وشوه، د القاعده شبکې عملیاتي قومندان ابو خلیل السوداني ووژل شو.

د کارتر اعلامیه هغو خبریالانو ته چې له ده سره په الوتکه کې عراق ته روان ول، وېشل شوې.

په دغه پیغام کې دغه راز ویل شوي چې السوداني یو له درو پېژندل شویو سختدریځو څخه دی چې په دې برید کې وژل شوی دی.

د اشتن کارتر په اعلامیه کې راغلي چې د السوداني وژل کېدا به په نړۍ کې د القاعده شبکې عملیاتي توان نور هم کمزوری کړي.

پینتاګون السوداني د القاعده د شورا جګپوړی غړی او د انتحاري او چاودېدونکو عملیاتو مشر بللی دی.

دفاع وزارت وايي چې السوداني د امریکا پر ضد د حملو په طراحۍ کې مستقیم لاس درلود.

د پینتاګون په اعلامیه کې ویل شوي چې نوموړي د افغان، پاکستاني او ايتلافي ځواکونو پر ضد د حملو لارښوونه کوله او د القاعده شبکې له اوسني مشر ایمن الظواهري سره یې نژدې اړیکې ساتلې.

په دې اعلامیه کې د دفاع وزیر ښاغلي کارتر له خولې ویل شوي چې د السوداني وژل کېدا په افغانستان کې د ناټو ځواکونو د عمومي قومندان جنرال جان ایف کېمبل او د ده تر لاس لاندې ځواکونو د کار اهمیت ښيي.

کارتر همداراز ویلي چې دوی به په سیمه او نړۍ کې د سختدریځو پر ضد عملیاتو ته دوام ورکړي.

د ناټو په مشرۍ د امریکا او ناټو ځواکونو جنګي ماموریت د ۲۰۱۴ کال د دسمبر په یو دېرشمه پای ته ورسېد او یوازې ۱۳ زره پوځیان یې پاتې شول چې لویه برخه یې افغان امنیتي ځواکونه روزي خو لږ شمېر یې لا هم د القاعده پر ضد تروریستي ضد عملیات کوي.

د جون په میاشت کې دغو ځواکونو ۱۰۶ عملیات کړي، حال دا چې تر دې یوه میاشت مخکې یې ۴۱ حملې کړې وې.

345 total views, 1 views today

2 comments

  1. لالا ، بټنوال Reply

    د ( تاند ) درنې ورځپاڼې د توجه وړ ـ دپورته خبر په وروستۍ برخه کې يوه د ټایپ اشتباه ده چې باید اصلاح شوئ وای هغه داسې چې ( د ناټو يوازې ديارلس پوځيان پاتې شول ) ؟

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2