Categories

اعلان

Loading…

د امریکا د نړیوالې پراختیا اداره وايي، سږ کال د افغانستان د غنمو حاصل ۲۵ زره ټنه لږ دی

تاند- په داسي حال کې چې د افغانستان د کرنې وزارت وايي چې د هیواد په تقریباً ټولو ولایتونو کې سږ کال حاصلات تر تېرو کلونو زیات دي، د امریکا د نړیوالې پراختیا اداره وايي چې د افغانستان د غنمو تولید لږ شوی دی.

یو ایس ای ډي یا د امریکا د نړیوالې براختیا ادارې پرون /شنبه/ په یوه راپور کې، چې په خپله ویبپاڼه کې یې خپور کړی، ویلي چې د تېر کال په پرتله سږ کال په افغانستان کې د غنمو حاصل په سلو کې ۵ لږ شوی دی.

دا اداره وايي چې په تېرو پنځو کلونو کې په افغانستان کې د غنمو د حاصل متوسط ۴ ملیونه او ۲۶ زره ټنه و.

د امریکا د نړیوالې پراختیا د ادارې له شمېرنو سره سم، په افغانستان کې ۲ ملیونه او ۵ لکه ۵۰ زره هکتاره مځکه باندې غنم کرل کېږي خو تېر کال یوازې په ۱۰ زره هکتار مځکه غنم کرل شوي وو.

د دې ادارې په وینا زیات غنم په شمالي ولایتونو کې کرل کېږي.

غنم د افغانستان تر ټولو مهم کرنیز محصول دی ځکه چې افغانان تر نورو هیوادونو زیات وچه ډوډۍ خوري.

په وروستیو ورځو کې د افغانستان په بېلابېلو ولایتونو کې د کرنیزو محصولاتو د زیاتېدو خبرونه خپاره شوي دي.

تېره اوونۍ د فراه کروندګرو او چارواکو وویل چې په دغه ولایت کې د هندواڼو حاصل د تېرو کلونو په پرتله څو برابره زیات شوی دی.

د دوی په وینا سږ کال له دغه ولایته نورو ولایتونو ته تر ۳ زره ټنه زیاتې هندواڼې صادرې شوي او د دغه ولایت کروندګرو له دې درکه تر ۱۰۰ ملیون افغانیو پوري ګټه ترلاسه کړې ده.

د بلخ ولایت د کرنې او مالدارۍ ریاست بیا وايي چې سږ کال په دغه ولایت کې د انګورو او بادامو حاصل د تېرو کلونو په پرتله په سلو کې ۲۰ زیات شوی دی.

د دې ولایت د کرنې رییس شمس کاتب وايي چې پر وخت اورښتونو د انګورو او بادامو ترڅنګ د غنمو او نورو میوو حاصلات هم زیات کړي دي.

ښاغلي کاتب زیاته کړه چې د بلخ ولایت انګور او بادامو پاکستان، هندوستان، ترکیې او دوبۍ ته صادریږي.

هغه وویل چې په بلخ ولایت کې په پنځه ویشت زره هکتاره ځمکه کې د انګورو نوي باغونه هم کښېنول شوي دي.

د سمنګان ولایت بیا د پستې حاصل ډېر شوی دی.

د دغه ولایت د کرنې او مالدارۍ ریاست وايي د پستې په حاصلاتو کې د تیرکال په پرتله سل فیصده زیاتوالی راغلی دی.

د دې ولایت د کرنې رییس محمد اسلم دانا وویل، تمه کیږي سږکال د پستو له باغونو څخه ۳۰۰ ټنه پسته ترلاسه شي.

ښاغلي دانا وویل چې دا مهال په دغه ولایت کې پر ۴۳ زره هکتاره ځمکه کې د پستې باغونه کښېنول شوي چې ورسره سم د پستو په حاصلاتو کې هم زیاتوالی راغلی او د کروندګرو اقتصاد به هم ورسره وده وکړي.

د یو آیس آی ډي د معلوماتو پر اساس سږ کال په افغانستان کې سره له دې چې د غنمو تولید تر متوسطې اندازې زیات دی خو تر تېر کال لږ دی. د دې ادارې په وینا سږ د تېر کال په پرتله د غنمو حاصل ۲۵ زره ټنه لږ دی چې په سلو کې ۵ کموالی ښيي.

214 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2