Categories

اعلان

Loading…

یوه اوږده لار ،یوه اوږده کیسه/ پروفیسر خالق رشید

ترکیسې دمخه یادونه :

غواړم ددغې کیسه ګۍ په اړه ، د هغې دلیکلو انګیزه له تاسو درنو لوستونکو سره شریکه کړم :

د ۲۰۰۳ کال سړې شپې ورځې وې چې زما داردو ژبی یو شاعر دوست ،کورته راغی او یوبلن لیک یې راکړ چې په هغه کې یې زه یوې وړې مشاعرې ته دعوت کړی وم چې دیوه دیپلومات چې پخوا په کابل کې دهند سفیرو دمیرمنې له خوا جوړه شوې وه ، ځای او ځایګی یې رامعلوم و ، هلته ټول دوستان ما پیژندل ، په برسرکې یومامره سړی ناست و ، دهغه په څنګ کې یې زه هم کینولم ، روغبړ مو سروکړ ، ما ځان وروپیژاند چې دلته په هند کې استا دیم خو د افغانستان یم . ده راته وخندل او راته موسکی شو : دا څوکاله چی هندوستان ته راځم ستا په باره کې مې له یارانوډیرڅه اوریدلي دي ، ښه وشو چې نن مو سره ولیدل ، زه رښتیا هم حیران شوم چې د امامره او دروندسړی او له ماسره پښتو خبرې . خدای مې مل شو له خپلې حافظې مې لږ کار واخیست راپه یاد شو چې دا خو داردو ژبي نامتو پښتون احمد فراز صاحب دی ، رښتیا لږ احساساتي غوندې شوي وم ، له سره مې غیږ ورکړه او پښتني مینه مو له یوه بله سره وکړه . محفل ته ډیروخت پاتې و چې ما اوده اوږدې خبرې وکړې ، په افغانستا ن کې ما دپښتو شعر او شاعرۍ په اړه خبرې ورته وکړې ، څه نومونه مې ورته واخیستل چې یوازې له لایق، بینوا پرته له نورو سره نا اشنا و . په همدغو خبرو خبرو کې مو دکیسې په باره کې هم خبرې وکړې ،ما په افغانستان او پښتونخوا کې دافسانه نګارو نومونه له پخوا ترننه ورته یاد کړل ، خودامې هم ورته وویل چې په پښتونخوا کې زموږ داوسنۍ کیسې په برخه کې یوازې دوو تنو کیفي کارکړی چې یو یې ارواښاد مهدی پاچا او بل يی طاهراثرافریدی دی ، د اثر دنامه په اوریدو سره راته ځیرشو : دهغه کیسې مو هم لوستې دي ؟ ما ویل هو لاره کې ماښام او نورې می یې لوستی . بیایې راته وویل چې څنګه کیسه لیکي ، ماځواب ورکړ چې :ځای یې تراوسه هم په پښتو او پښتنو کې څوک نه شي ډکولای …

راته په خندا شو :

هغه په کراچۍ زموږ مشر دی ، مهربانه دی او زه دزړه له کومي درناوی ورته لرم …

مشاعره مو سره واوریده او ده هم څو شعرونه په کې ولوستل چې تود هرکلی یې وشو .

زه په سبایې زه اجمیر ته روان وم ، ده راته وویل چې :

رشید صاحب ګوره چې په کراچۍ کې هم دوه پښتانه وروڼه لرې موږ ته هم دخواجه په دربارکی دعا وکړې …

ما هلته دوه شپې وکړې ، دوی ته مې دعاوې هم وکړې او بیامې دغه لیکنه د طاهرصاحب مهربانه نامه ته له دعا سره هلته ولیکله او ورته مې اهدا کړه ، عمریې زیات !

طاهر اپرېدی

طاهر اپرېدی

ډالۍ : نومیالي پښتو افسانه نګار طاهر اثر افریدي ته !

خالق رشید

زه نه پوهیږم چې زه به څوکلنه وم ، نه پوهیږم چې زما پلار او موږ څوک وو ، دمور په باره کې خو ځکه څه نه شم ویلای چې کله زه په ښو او بدو وپوهیدم ، دهغې په باب خو مې هیڅ هم وانه وریدل ، یوازې دپلار په باره کې مې لایوڅه خبرې او کیسې لکه دخوب لیده له یوه اوبله ، هغه له بوډاګانو او پوهوخلکو څخه اوریدې چې زیاتې تکراري نه وې ، ځکه څوک چې په دې خبرو پوهیدل هغوی لکه ناپوهان ډیرنه ګړیدل … ترهغوچې زه په ښه او بد پوهیدمه او د راز او رمز پوښتنې مې ځوابولې بیاهغوی نه وو ، دهغوی سرونه زما د زړه پر تیږو باندې ایښي وو، او ارواوې یې د دوی په وینا زما له اولکې وتلې او داسې ځای ته رسیدلې وې چې ماته یې هم پته نه لګیده اونه پوهیدم چې چیرې اوڅنګه …؟

زیاترو خو به یې د ژوند حواله په داسې چا ورکوله چې دهغه ځانګړنې او ولولې ، وږمې او نغمې ، ماسې اوحماسې اوکیسې به یو څه زما دپلار هغو ته ورته کیدې ، خوداچې ما هم دهغه کیسې اوریدلې وې ، نه مې شوای کولای چې یا خپلو سوالو ته ځوابونه پیداکړم او یا د دوی رښتیا او دروغ تعبیرکړای شم. جالبه خو لا داوه چې په دوی کې داسې بلاګیان هم وو چې پرهیڅ هم بند نه وو، داسې رښتیا او دروغ به یې سره ګډول چې د عطار په قطي کې هم نه وو او نه چا لیدلي او ریدلي وو .

زه تردوی ډیره مشره یم ، ما ته د دوی دهریوه په سلګونه نسله معلوم دي ، زه په دې پوهیږم چې دوی دکومو ښو ا وکومو بدو پلرونو او میندو زامن او لوڼه دي، هغوی چې دوی ته یې کسې ور رسیدلې وې هغوی ما په خپله لیدلي وو ، ماته دهغوی ټولې ناخوالې او کمۍ داسې معلومې وې لکه پرونۍ کتنې او پرونۍ وینې ، ماته هغوی ګردسره چې دوی یې په درنښت یادوي او یا لکه لیوان اوځناور دهغوی دناویلو او نالیدلو لپاره په منډو او ترړو دي او پرنومونو یې نارواوې کوي ،هرچاته داسې ښیي چې دهغوی رښتینې ذمه وار دي او بس داسې معلوم دي لکه لمر، خو دوی نه پوهیږي چې هغوی څوک وو ؟ څه یې کول ؟ څه یې په زړه کې وو او څه یې چې وس ورسید ویې نه کړل ، داټولې خبرې ماته معلومې وې ، دوی چې څه غلاوې او زناوې ، وژنې ، وطن پلورنې او نورې شیطاني هڅې وکړې هغه ټولې له ما پرته بله چا نه ولیدې اونه یې په اصلي رمز باندې خبرشول ، هغوی چې صداقت او رښتیاوې ،خدمتونه او نورې هڅې یې کړې وې هغه هم ټولې ماته معلومې وې ، هغه څه چې دوی یې تمدن بولي داماته داسې دی لکه ببګانۍ خبره ، هغه څه چې دوی پرې ویاړي دا په تورې تیارې کې هغه رڼا او روښانه ټکی دی چې ما دهغو په ترڅ کې د دوی د پلرونو ټول کړه وړه په خپلو سترګو ولیدل . یوازې یو څو تنه وو چې دځان په فکرکې نه وو، دانسان په فکرکې وو ،هغوی ته یې پیغامبران ویل ، هغوی دوی تراوسه هم نه پیژني او نه یې یادوي ، هغه هم زه یم چې پیژنم یې ، خو د دوی یو شمیر هم لکه د دوی په شان د تیارو دیوالونه وو چې په تورتم کې راغلل او په تورتم کې ولاړل ، له هغوی هم یوازې هغه څه پاتې شول چې نه یې ځان پرې نیکمرغه کړ او نه نور …

هو، ما یوه اوږده لار او یوه اوږده کیسه وهلی او لیدلې ده ، زما نوم ( م ځ ک ه ) دی ( ک ی س ه ) زما سکنۍ خور ده ، موږ دیوې مور اویوه پلار سکنۍ لورانې یو ، موږ پرهغو ډیرګرانې وو، کله چې مرګی راغی زموږ دواړو خویندو پرسرو یې لاسونه کیښودل ا و زما پرمور اوپلار چې هغوی هم عادي څوک نه وو یوازې یو او ناڅاپي غږ وکړ :

– دوی درنه واخلم اوکه تاسې خپل ځانونه راسپارئ ؟

مور مې زما او پلارمې د خور له سره دهغه تور لاسونه پریوه خوا او پرخپلو اوچتو سرونو کیښودل …

او پلارمې مورته په مینه وکتل ، د وروستي ځل لپاره ورته موسکی شو :

ـ دوی باید ژوندۍ وي ، په دې چې زموږ یادون او هڅون ته سینه اوکیسه شي …

هو ، زما نوم (م ځ ک ه ) دی ، او کیسه زما سکنۍ خور ده ، موږ دیوې اوږدې خو سپینې لارې ترنامالوم سرمنزله د رښتینو یادونو او رازونو ملګرې یو …

ستاسې زړه دی چې موږ ترخپلې پولې پورې بدرګه کړئ که نه ؟

پای

اجمیرشریف

د ۲۰۰۳ کال دسامبر

333 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2