Categories

اعلان

Loading…

د اجرائیه رياست د لومړي مرستيال د خواشينۍ اوډاډ ګیرنې پيغام

انا لله وانا الیه راجعون

کابل – مرمرینه ماڼۍ- دچنګاښ ۲۰مه

 په ډېرې خواشینۍ سره خبرشوم چې د سعودي عربستان د بهرنيو چارو پخوانی وزیر سعود الفیصل بن عبدالعزیز آل سعود د تل لپاره له دې فانی نړۍ نه سترګې پټې کړې.

ارواښاد سعود الفیصل بن عبدالعزیز چې د نړۍ په تاریخ کې د بهرنیو چارو د وزیر په توګه تر ټولو سابقه داره شخصیت و، په خپل ژوند کې یې په نړۍ کې د ثبات او اصلاحاتو په پراخولو او د اسلامی نړۍ د یوالی لپاره نه ستړې کېدونکې هلې ځلې وکړې.

نوموړی یوازې د مسلمانانو نه، بلکې د ټولې نړۍ د یووالي لپاره د ښې پالیسۍ جوړونکی او ملاتړی و.

خدای بښلی سعود الفیصل بن عبدالعزیر یو دیپلوماتیک شخصیت و چې د افغانستان په ګډون د نړۍ په ټولو مهمو قضایاو کې اغېزمن رول درلود، د نوموړي مړينه د نړۍ لپاره یوه نه جبرانېدونکې تشه او په ځانګړي توګه اسلامي نړۍ لپاره یوه ستره ضایعه ده.

د نوموړي د مړینې له امله د زړه له کومې خواشینی یم، د خپل ځان او افغان ملت له لوري د سعودي پاچا سلمان بن عبدالعزیز، شاهي کورنۍ او ټولې اسلامی نړۍ ته تسلیت وایم.

انجینیر محمد خان

39 total views, 1 views today

Leave a Reply

Your email address will not be published. Required fields are marked *