Categories

اعلان

Loading…

د بې پېلوټه الوتکو په بریدونو کې د داعش ۶۰ غړي وژل شوي

تاند- د ننګرهار چارواکي وايي چې د دغه ولایت په اچین ولسوالۍ کې د بې پېلوټه الوتکې په برید کې د اسلامي دولت یا داعش ۶۰ غړي وژل شوي دي.

د ننګرهار امنیه قومنداني په یوه خبرپاڼه کې وویل چې په دې برید کې، چې د دوشنبې په ورځ د اچین ولسوالۍ په مامند درې، اسد خېلو، مامند لګډ او وچ کوټ کې وشوې د دولت یو شمېر نور مخالفان ټپیان شوي خو کره شمېر یې لا څرګند نه دی.

تر دې مخکې ویل شوي و چې د بې پېلوټه الوتکو په برید کې د داعش مرستیال وژل شوی دی. (تفصل)

په همدې حال کې د ننګرهار د والي ویاند احمد ضیا عبدالزي رسنیو ته وویل چې د بې پېلوټه الوتکې لومړی او دوهم برید غرمې مهال په اچین ولسوالي کې وشو چې په ترڅ کې یې ۱۲ تنه سختدریځي ووژل شول خو لږ وروسته په داسي حال کې چې د داعش غړیو غوښتل د همدې ولسوالۍ یوه بل نوي ځای ته لاړ شي، په بل برید کې ۳۷ تنه ووژل شول.

د عبدالزي په وینا دا له کله چې په افغانستان کې د داعش ډلې سر راپورته کړی، دې ډلې ته لومړني تر ټولو سخت تلفات دي چې وراوړي.

ده دا هم وویل چې د داعش دغو کسانو غوښتل چې په یوه څنګلورې سیمه کې پر طالبانو برید وکړي.

د ننګرهار امنیه قومنداني وايي چې د اچین په شډل سیمه کې د طالبانو او داعشیانو ترمنځ په وروستۍ نښته کې شپږ تنه وژل شوي او ۱۰ ژوبل دي. د دې قومندانۍ په وینا د وسله والو مخالفانو په خپل منځي نښتو کې د لښکر اسلام او د تېرا درې څو اوسېدونکي هم وژل شوي دي.

د ننګرهار د امنیه قومندانۍ په خبرپاڼه کې دا هم ویل شوي چې د دغه ولایت په کوټ ولسوالي کې هم د دولت د وسله والو مخالفانو ترمنځ نښتې شوي دي.

6 total views, 2 views today

Leave a Reply

Your email address will not be published. Required fields are marked *