Categories

اعلان

Loading…

په افغانستان کې د داعش مرستیال مشر په هوايي حمله کې ووژل شو

تاند- د داعش یا اسلامي دولت د وسله والې ډدلې دوهم کس له ۶ نورو داعشیانو سره په ننګرهار ولایت کې د امریکايي الوتکو په بمبارۍ کې ووژل شو.

د افغانستان استخباراتي ادارې نن وویل چې ګلزمان، چې په افغانستان کې د داعش د مشر مرستیال و، له شپږو نورو سره د ننګرهار ولایت په اچین ولسوالۍ کې ووژل شو.

د افغانستان د ملي امنیت ریاست وايي چې له ګلزمان سره د ده مرستیال قومندان جهانګیر هم په هوايي حمله کې وژل شوی دی.

د سږ کال په لومړیو کې د اسلامي دولت وسله والې سختدریځې ډلې، چې د فعالیت اصلي مرکزونه یې په سوریه او عراق دي، اعلان وکړ چې خپل فعالیت خراسان ته غځوي. دې ډلې اعلان کړی چې د بغداد تر مرکزیت لاندې افغانستان، پاکستان او د ایران یوه برخه د دوی د خلافت یو ولایت دی.

د افغانستان د ملي امنیت ریاست نه دي ویلي چې په اچین ولسوالي کې د داعش د غړیو پر ضد کله بمباري شوې چې په نتیجه کې یې د دې ډلې مرستیال وژل شوی دی.

د افغانستان ملي امنیت د داعش د ځپلو لپاره خاص عملیاتي ټولی جوړ کړی دی.

دې ډلې په ننګرهار کې ډېرې برخې له وسله والو طالبانو تصفیه کړي دي.

40 total views, 1 views today

Leave a Reply

Your email address will not be published. Required fields are marked *