Categories

اعلان

Loading…

په هلمند کې د سړک د غاړې چاودنې لږترلږه ۲۰ تنو ته مرګ ژوبله واړوله

تاند- په هلمند کې پولیس وايي چې نن په دغه ولایت کې د سړک د غاړې په یوه زوروره چاودنه کې لږترلږه ۱۲ تنه ملکیان وژل شوي دي.

د هلمند امنیه قومندان نبي جان ملاخېل رسنیو ته وویل، بم نن ماسپښین وچاودېده، لږترلږه د ۱۲ تنو ملکي وګړو مړي روغتون ته رسول شوي دي.

ملا خېل دغه راز وویل چې په دې چاودنه کې ۸ تنه ژوبل شوي دي.

چاودنه هغه مهال وشوه چې د سپرلیو موټر په مارجه ولسوالۍ کې پر ماین وخوت.
ویل شوي چې دوولس تنه وژل شوي کسان د یوې کورنۍ غړي دي.

د وژل شویو کسانو خپلوانو وویل چې ممکن د تلفاتو شمېر تر دې ډېر وي.

تر دې دمه هیچا د دې برید مسوولیت په غاړه نه دی اخیستی خو دا ډول چاودنې عموماً وسله وال طالبان کوي.

په وروستیو ورځو کې طالبانو د هلمند په مختلفو سیمو کې حملې زیاتې کړي دي.

د راپورونو له مخې د سلګونو کورنیو او بهرنیو طالبانو، چې په وروستیو دوو میاشتو کې له پاکستانه هلمند ته رسېدلي دي، د دغه ولایت درې ولسوالۍ د سقوط له خطر سره مخامخ دي.

79 total views, 1 views today

1 comment

  1. زلمي Reply

    دداعش حیوانات باید دافغانستان دپاکی خاوری نه منع شی . دا حیوانی جماعت د سرطان دبیماری په شان ده که مخه یی بند نشی نو دا مبارکه خاوره به په مختلفو امراضو اخته کری.ای دافغان غیرتمن ولسه مردار کره دا دداعش لیونی سپی. په درناوی

Leave a Reply

Your email address will not be published. Required fields are marked *