Categories

اعلان

Loading…

اجرائیه رئیس د بدخشان له خلکو سره پر امنیت باندي خبري وکړې

خبرپاڼه

 تاریخ: 30 جوزا ۱۳۹۴

کابل افغانستانقصر سپیدار: د افغانستان د اسلامي جمهوريت اجرائیه رئیس ډاکټر عبدالله عبدالله نن په سپېدار ماڼۍ کي د بدخشان ولایت له قومي مشرانو، سپین ږیرو او ځوانانو سره د هغه ولایت د امنیت پر ستونزو خبري وکړې.

د بدخشان ولایت د قومونو او ولسوالیو مشرانو اجرائیه رئیس ته د وروستیو امنیتي ستونزو په اړه شکایت وکړی او یادي برخي ته یې د حکومت د توجه غوښتنه وکړه.

هغوی په خپلو خبرو کي د بدخشان د څو ولسوالیو امنیتي مشکلات د داخلي ستونزو او اختلافونو څخه راټوکېدلي وبللې او زیاته یې کړه، چي داخلي اختلافات ممکن نور هم یاد ولایت له ستونزو سره مخ کړي.

د بدخشان ولایت خلکو له اجرائیه رئیس څخه د حکومتدارۍ وضعیت ښه کولو او په پرمختیايي برخو کي هم کار کولو ته د حکومت پاملرنه وغوښته.

د افغانستان د اسلامي جمهوريت اجرائيه رئیس ډاکټر عبدالله عبدالله د بدخشان ولایت له مشرانو سره په لیدنه کي له هغوی مننه وکړه، چي د امنیت په سمون کي یې له امنیتي ځواکونو سره مرسته کړې.

هغه په خپلو خبرو کي وویل، چي حکومت وخت پر وخت له محلي مقاماتو څخه د یاد ولایت د امنیتي وضعیت په اړه احوال تر لاسه کړی او د ستونزو د حل لپاره یې لازم پلانونه په کار اچولي دي.

اجرائیه رئیس د بدخشانو مشرانو ته یادونه وکړه، چي حکومت له ټولو داخلي ستونزو هم خبر دی او د هغو ستونزو د حل لپاره یې هم لازم کار کړی دی، چي د امنیتي حالت له سمون سره به مرسته وکړي.

نوموړي زیاته کړه، چي مرکزي ادارې سیمه ییزو چارواکو ته ځانګړې لارښووني کړي او د امنیتي حالت د سمون لپاره یې هم په ملي او هم په محلي کچه ضروري اقدامات کړي دي.

ډاکټر عبدالله عبدالله په نني مجلس کي د بدخشان ولایت د حکومتدارۍ وضعیت ښه کولو په اړه هم د حکومت د هغو اقداماتو یادونه وکړه، چي په تیرو څو اوونیو کي پرې کار سوی او ډېر ژر به د محلي چارواکو لخوا ادامه پیدا کړي.

182 total views, 1 views today

Leave a Reply

Your email address will not be published. Required fields are marked *

۸