Categories

اعلان

Loading…

وروستۍ جګړه او بیا سوله/مجید قرار

طالبان د سږ کال جګړه په ډېره درنه بیه کوي. پاکستان ته له افغانستان څخه هیڅکله دومره بوینې جنازې نه دي تللي، لکه سږ کال. یواځې په لوګر کې په تېرو څو ورځو کې پنځوس خوارجي پاکستاني مړي افغان غازیانو ته پاتې دي. د جګړې ډول داسې دی چې دری څلور سوه طالب مملوکان او پاکستاني مالکان پر یوه ځای د افغان پوځ پر یوه دېرش یا څلوېښت کسیزه پوسته ناڅاپي برید کوي، اکثره ناکامېږي، خو کله کله په داسې بیه کامیابېږي چې بایلل پرې بهتر وي. مثال یې د وردوج دی. هلته اتلس تنه سرتېري شهیدان شول، خو له هغه ځایه د طالبانو جنازې لا تر اوسه هم کویټې، جنوبي او شمالي وزیرستان او د افغانستان ځینو نورو سیمو ته انتقالېږي.

د دوی لپاره دردوونکې دا ده چې د سږ کال جګړه د امارت جوړولو لپاره نه، بلکې په شته جمهوریت او د سولې په معامله کې د زیات امتیاز اخیستلو لپاره کوي. هغه داسې چې که یې یو یا دوه ولایتونه په نصیب شوي وای، ګوندې دلته خلکو یو څه په درنه سترګه ورته کتلي وای، خو ونشوه. نه د دانګام توطیه، نه د ازرې توطیه، نه د سنګین جګړې چې ټول امارت د یواځې یو څو پوستو پر خلاف جګړه کوله، کامیابه شوه.

طالبان سږ کال اکثره پر داسې سیمو برید کوي چې لاره او ګودره نه لري. دوی ډېر کله ځانونه د مېړانې او مټو پر ځای په ړندو ماینونو ساتي چې هغه بیا د پراخو ولسي تلفاتو لامل کېږي. تر اوسه له ځینو شغالي، لرې پرتو او بې ارزښته سیمو پرته، هیڅ کوم مهم مرکز ته چې لاره او ګودره ولري سقوط نه دی ورکړی. بالعکس، پر مهمو سیمو، لکه د کابل غزني پر لویه لار او پر څنډو د حکومت تسلط پیاوړی شوی.

د طالبانو د موقتي زور اخیستنې یو لامل دا دی چې سږ پاکستان د عملیاتو په نامه خپل ټول طالبانو افغانستان ته را واړول. ویل کېږي چې دا شمېر له اویا تر اتیا زرو دی. پاکستان وایي، حامد کرزي ته مو حال ورکړی و چې خلک در اوړي، مخه یې ونیسه، هغه دا کار ونکړ. پاکستان به ښایي د معمول مطابق دروغ وایي، خو دا هم واضحه ده چې حامد کرزي ځان د سرتېرو ولسمشر نه ګاڼه او په وروستیو ورځو کې یې وویل چې یوه ورځ یې هم جګړه نه ده کړې. د هغه په نزد، د سرتېرو جګړه ناجایزه ورور وژنه وه.

اوس خبره دا ده چې آیا طالب هره ورځ سل تر دوه سمه مړي زغملای شي؟

ځواب نه دی. اتیا زره کسان چې هره ورځ په دې شمېر مړه شي، په یو سل شپېته ورځې کې ټول ختمېږي.

زه چې د سلو تر دوه سوه طالبانو د مرګ خبره کوم، سرچینه مې د سره صلیب دفترونه دي. په دوو ولایتونو کې د سره صلیب ادارې پېژنم. وایي داسې ورځ نه وي چې د همدې ولایت تر لسو پورې جنازې پاکستان ته نه انتقالوو.

دا خلک دلته هره ورځ سل تر دوه سوه تنه مرګ ژوبله نشي زغملای. بله خبره دا ده چې مملوکان پاته کېږي خو مالکان په ژمي ته بیرته اوړي. یو لامل خو یې دا دی چې دوی ته د هغه ځای د پښتنو د بربادي دنده هم ور لغاړې ده. خپلې دندې ته به ځان رسوي، خو نور لاملونه هم شته. یو عمده یې دا دی چې دوی چې کومې سیمې لاندې کړي، هلته ډوډۍ نه پیدا کېږي. په یمګان کې خلک له لوږې واښه خوري. په هلمند کې د دوی له امله خلک له لوږې سره مخ دي.

لنډه دا چې سږ د طالب وروستی زور دی. د کال پر وروستۍ لکۍ ولاړ دي. پنجابی له یوې خوا جلدي کرو جلدي کرو ورته وایي، داعش له بلې خوا سپینه ذوالفقار توره په لاس په برېتونو ګوتې ورته تېروي. طالب له خپل کردار، خپل عمل، خپل وجدان، خپل ایمان، خپلو بې وزلو خلکو سره په جګړه ښکېل دی. هره ورځ جوپه جوپه دیني علماء پر طالب او د هغه پر وحشیانه جګړې د لعنت ویلو لپاره هلته او دلته را ټولېږي. د جګړې بل اړخ دا دی چې په ټولو سیمو، په دانګام، ارزه، کندز، اروزګان او سنګین کې ټوله جګړه ولس وکړه. په ارزه کې خویندو د پنجابي وروستي یرغل په وړاندې ملالې یاد را تازه کړ. یو مشر طالب خواخوږی په خفګان سر خوځوي او په تأسف وایي: “یاره سږ د طالبانو جګړه کاملاً غیرضروري ده. نور کله په هر صورت، خو سږ کال ټول مړي بې ځایه کېږي. ځکه چې خبره واضحه ده.”

ټول امارت یې یوې یوې پوستې ته را اشر کړ، ټول امارت یوې یوې پوستې مات کړ. تر ننه یې یوه مهمه سوق الجیشي سیمه تر یوه ورځ زیاته نه ده نیولې. د مخامخ جګړې وس نه لري. د افغانستان ځواکونو او حکومت نړۍ ته امتحان ورکړ. نړیوال بانک او نړيوالې ټولنې بیرته مرستې را چالانې کړې. پاکستاني عملیات پایته رسېدلي. پنجابیان بیرته په انتقال دي. هوایي ځواک مخ په جوړېدو دی. څو زره نوي هاموې او درانه محاربوي وسایل را پر لاره دي. داعش د طالبان سروهنې ته دوام ورکړی. له ننګرهاره یې لمن ور ټوله کړې ده. پنجاب اوس خپل زاړه غلام ته ټروریسټ وایي.

په دانګام او د کونړ په نورو سیمو کې د پاکستاني او افغان طالبانو جګړه روانه ده. د پاک پیغمبر هغه وړاندوینه ریښتیا کېدونکې ده چې خوارج به په پای کې یوبل لکه د ګور چینجي خوري او هلاکېږي به. د امن لمر په را ختلو دی. افغانستان غني کېدونکی او غوړېدونکی دی.

651 total views, 2 views today

7 comments

  1. اسد وردک Reply

    انشاالله افغان ملت د راويښدوپه حال کي دی او ډیر ژر به خپل تقدیر ته بدلون ورکړی.

  2. فیض الله Reply

    قرار صاحب . تل مر قرار ا وسی. لیکنی دی د ی په تول پوره دی. دوا د شه

  3. خالده خالد Reply

    ـ (وائې ما ئې الم دین ژړه چه کلم دین ئې په خره سوور راغی).موږ ئې۳۷کلنه تبائې ژاړو، اوس ئې دا سرپریکونکي پسې نو ر راپیدا شول ۰ پـنـجـاپـیـان نور وته وائې جلدي کرو او خپله به تیري ردیيا بلا کوي۰

  4. Waheedullah saadiq Reply

    اوس په حقیقت باندی تول خلک پوهیژی چی دا تول د ای اس ای کارونه دی

  5. faridاسداله Reply

    سلام قرار صاحب دستاسو نضر دقدر وړدی لکه پرون اپه کابل او دا څو ورځو کی د کندوذ بدخشان ننګرهار لغمان کنړ او داسی نورو سیمو څخه خبر نه یی او که دا درته جګړه نښکاری اوداتلفات د میږیو او یا غوماشو دی اوس دافغانستان نظاوی او سیاسی حالت دبل هر وخت څخه خراب او ډیرنازک دی خدای نکړی یومعمولی ټکان ته هم تابنلری پدرنښت

  6. Nasratullah Hadid Reply

    هغه داسې چې که یې یو یا دوه ولایتونه په نصیب شوي وا
    دا کومه لوبه ده.
    که دوی ته چیرته دوه یا یو ولایت ورکړل شوی وای دوی بیا ستا د غنی په کنترول نه یی. افغانستان د تجزیی حالت ته رازی.
    او بله دا چی ستاسو لیکنو څخه مالومیږی چی دولت بلکل طالبانو سره د خبرو اترو اړتیا نه لری.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2