Categories

اعلان

Loading…

دیپلومات: ولي طالبان له داعشه اندېښمن دي

تاند- دیپلومات (The Diplomat) خپرونه وايي، افغان طالبان غواړي چې اسلامي دولت ډلې (داعش) ته دا په زغرده ووايي چې افغانستان یوازې د دوی لپاره کافي دی، نه د داعش لپاره.

دیپلومات په دې لیکنه کې، چې سرلیک یې دی:«ولي طالبان غواړي چې داعش له افغانستانه لېري واوسي» لیکي؛ تېر دوبی څو میاشتې وروسته له دې چې په عراق کې موصل سقوط وکړ او داعش د بوه قوت په توګه ظهور وکړ، اوازې خپرې شوې چې دا ډله د ختیځ لور ته خپره شوې او افغانستان ته رسېدلې ده.

په افغانستان کې د دې ډلې فعالیت او حضور لا هم سم څرګند نه دی، خو طالبانو د دې ډلې اغېز احساس کړی دی.

روانه اوونۍ طالبانو د اسلامي دولت ډلې مشر ابوبکر البغدادي ته خبرداری ورکړ چې (په افغانستان کې) د امریکایانو او د هغوی د متحدانو پر ضد جهاد باید د یوه بیرغ او مشرتابه لاندې وي.

د افغانستان او پاکستان طالبان تر ډېره ملا عمر ته وفاداره دي.

داعش ته په خطاب کې د طالبانو د مرستیال مشر ملا اختر منصور په لیک کې همداراز ویل شوي:«ستاسو پرېکړه به، چې له لېري هیواده مو کړې ده د دې سبب شي چې د شام او عراق اسلامي دولت د دیني عالمانو او مجاهدینو ملاتړ له لاسه ورکړي او اسلامي امارت (طالبان) به د دې لپاره چې د خپلو بریاوو دفاع وکړي عکس العمل ته مجبوره شي.»

دې ډلې نه دي ویلي چې ولي دا لیک د دوی مرستیال لاسلیک کړی دی. د طالبانو د مشر ملا عمر په اړه له څه باندې یو کال راهیسي ویل کېږي چې ژوندی نه دی.

د اسلامي دولت وسله والې ډلې (داعش) د سږ کال په لومړیو کې اعلان وکړ چې افغانستان، پاکستان، ترکمنستان او د ایران یوه برخه یې د خراسان په نوم د خلافت یو ولایت دی.

د پاکستاني طالبانو د شورا یو شمېر مهمو مشرانو د داعش د مشر بیعت اعلان کړ.

دیپلومات د افغان طالبانو اندېښنه بې ځایه نه بولي او وايي چې د طالبانو غړي د داعش لور ته اوړي او هغه کسان چې اوس یې تور بیرغونه پورته کړي اکثره هماغه کسان دي چې تر پرونه پوري یې ځانونه طالبان بلل.

203 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2