Categories

اعلان

Loading…

د مدیریت او رهبریت توپير/ خوشحال آصفی

رهبري او مدیریت هغه مفاهیم دي چې کله ناکله مترادف یا د یو او بل پر ځاي استعمالیږي او ډیری وخت ددوي تر منځ بنسټيز توپير نالیدل شوی انګیرل کیږي، حال دا چې داسې نه ده بلکه ددې دواړو تر مننځ توپیر شتون لري. مدیریت د موخو ترلاسه کولو لپاره مدیریت د مادي او انساني قوې همغږي کولو ته وایي.

مدیر پلان جوړوي، کنټرول کوي، همغږي رامنځته کوي، ګمارنه کوي، راپور ورکوي او په دې لټه کې وي تر څو د سیستم اغیزمنتیا زیاته کړي خو رهبر بیا هڅه کوي تر څو له نوي فکر او آند سره د مدیرت د کار کچه لوړه کړي او یو سازمان یا یوه اداره هغه خپلو لوړو موخو ته ورسوي کوم چې غوښتونکی یي دی او په خپل کار کې د خلاقیت او د عمل نوښت لري.

د مدیر او رهبر څو اړین توپيرونه

لومړی: مدیر کارکوونکي لري خو رهبر بیا ملاتړي لري

دویم: مدیر کار کوي څو بدلون رامنځته کړي خو رهبر بیا په خپله بدلون رامنځته کوي

دریم: مدیر ښې نظریې لري خو رهبر بیا ښې نظري د عمل په ډګر کې پلي کوي

څلورم: مدیر ټیمونو یا ډلو ته لارښوونه کوي خو رهبر بیا ډلې او ټیمونه رامنځته کوي

پنځم: مدیر کریډت یا امتیاز اخلي خو رهبر بیا مسولیت اخلي

شپږم: مدیر پر خلکو د واک تمرین کوي خو رهبر بیا له خلکو سره یو ځای واک ته وده ورکوي

اووم: مدیر کوچنی او لنډمهال لیدلوری لري خو رهبر بیا لوي او اږدمهاله لیدلوری لري

اتم: مدیر کله ناکله په خپل تصمیم کې بدلون راولي خو رهبر بیا هیڅکله هم په خپل تصمیم کې بدلون نه راولي او د وخت او خپل فکر نه په مناسبه توګه ګټه اخلي

نهم: ښه رهبر ښه مدیر کیدلای شي خو مدیر هیڅکله هم ښه رهبر نشي کیدلای

لسم: مدیر ته رښتنولي او پاکي ډيره اړینه نه ده خو رهبر ته پاکي او رښتنولي یو اړین اصل دی.

دا هم د یو رهبر پنځه نورې اړینې ځانګړنې

۱ــ رهبر باید په خپله تصمیم نیونه کې چټکتیا ولري

۲ــ رهبر باید زړور او میړنی وي

۳ــ رهبر باید د کمال پالنې استعداد او روحیه ولري

۴ــ رهبر باید د بدلون لپاره لیوالتیا ولري

۵ــ رهبر باید په خپل رهبرۍ کې رښتنولي ولري.

8 total views, 1 views today

1 comment

  1. Dr.HamidUllah Zrrlver Sapi T. Reply

    Salam;
    D`Afghanistan oseny rehber(Ulusmashir) ki dderiy portany zangrriny shtah
    Xo da noro 16 tash pa nami raberano , d` afghanano d badbaxtiy lamel swil aw zanonah yi d $ etc. pa xalto waperrsawil!
    Mudir sahiban xo tsza kawiy, Mofced saiban swi di.
    Allah de tttolo la hidayet wakrri .Aamien somma Amin.

Leave a Reply to Dr.HamidUllah Zrrlver Sapi T. Cancel reply

Your email address will not be published. Required fields are marked *