Categories

اعلان

Loading…

ځان درناوی/ راپور: عصمت بهیر

تمدن تر هغه منځ ته نه راځې ترڅو انسانان خپلو ځانو ته درناوی و نه لري. دا خبره د مشهور ارواپوه فرویډ ده چې دوې اونۍ مخکې استاد امان الله هوسا په روشنګرۍ کې د ځان درناوي په لکچر کې وکړه.

ځان درناوی ته په۱۹۶۰ م کې عالمان متوجه شول او ځان درناوی یې د انسان په پرمختګ کې مهم وګاڼه.

ښاغلي امان الله هوسا وویل، هغه کسان چې ځان درناوی لري د لاندې خویونو خاوندان وي:

۱- د ارزښتونو دفاع کوي.

۲- د احساساتو پر ځای له منطقې فکر او تعقل څخه په پرېکړو کې کار اخلي.

۳- په تاریخ افتخار نه کوي، د حال او راتلونکي په باره کې فکر کوي.

۴- د ستونزو په مقابل کې ځان نه بایلي.

۵- نورو ته درناوی لري.

۶- د خپلو مثبتو کارونو څخه نور خلک متاثر کوي.

۷- د ژوند په هره برخه کې توپېرونو ته درناوی لري.

۸- د هر ښه کار څخه خوند اخلي او د نورو خوشحالي د ځان خوشحالي بولي.

۹- تل د نورو د اړتیاوو د پوره کولو لپاره کار کوي.

استاد هوسا په دې پسې د هغه کسانو ځانګړنې هم بیان کړې چې ځان ته درناوی نه لري:

۱- همېشه وایي زه هېڅ کار کولای نشم.

۲- ځان ته احترام نه لري.

۳- د مثبتو خبرو په وړاندې منفې عکس العمل ښیي.

۴- د غلطۍ څخه بېرېږي.

۵- د نورو سره حسادت کوي او کینه دله وي.

د لکچر په وروستۍ برخه کې د استاد امان الله هوسا څخه د ځان درناوی په هکله پوښتنې هم وشولې، چې استاد یې ځوابونه وویل.

52 total views, 3 views today

Leave a Reply

Your email address will not be published. Required fields are marked *