تاند- د افغانستان ولسمشر ملکي ادارو ته د وسله والو کسانو ننوتل د نه منلو وباله او امر یې وکړ چې د ایسا ادارې ته د وسله والو کسانو د ننوتو قضیه دې په جدي ډول وڅېړل شي.

ولسمشر محمد اشرف غني دا خبره پرون په هغه غونډه کې وکړه چې د ایسا یا په افغانستان کې د پانګونې د ملاتړ د ادارې د ستونزو د څېړلو لپاره جوړه شوې وه.

په دې غونډه کې د ایسا د ادارې د سرپرست او مرستیالانو پوسټونه تعلیق شول او ولسمشر په ایسا کې د فساد د څېړلو او تفتیش لپاره یو پلاوی وګوماره.

ولسمشر غني، د ایسا په اداره کې د چهارشنبې د ورځې پېښې ته په اشاره وویل چې وزیران دې په رقابتي پوسټونو کې له لاس وهلو او تصرفه ډډه وکړي او د سوداګرۍ وزارت دې څو تنه د لیاقت پر اساس د ایسا د مشرتابه لپاره وړاندیز کړي او ولسمشر ته دې کاندیدان معرفي کړي.

همداراز د عدلیې له وزارته وغوښتل شول چې د ایسا د ادارې د حقوقي حیثیت د ټاکلو لپاره یوه اساسي طرحه جوړه کړي.

ولسمشر دا هم وویل چې هغه کسان دې تر قانوني تعقیب لاندې راوستل شي چې د ایسا ادارې ته په زور ننوتل.

51 total views, 2 views today

اړوند مطالب

ولسمشر غني په کاسا زر کې د نورو هیوادونو د ګډون غوښتنه وکړه ولسي جرګې د وروستیو تروریستي حملو په اړه له ولسمشر سره د بیړنۍ غونډې غوښتنه وکړه ولسمشر غني له فساد سره د جهاد غوښتنه وکړه ایسا وايي، په وروستیو ۲ میاشتو کې پانګونه زیاته شوې ده