Categories

اعلان

Loading…

طالبانو د هلمند په نوزاد کې ۲۶ امنیتي ځواکونه ووژل

تاند- وسله والو سختدریځو د تشدد په دوام کې نن د هلمند ولایت په نوزاد ولسوالۍ کې ۱۹ پولیس او ۷ عسکر ووژل.

د هلمند ولسوال نفس خان خبریالانو ته وویل چې وسله والو طالبانو نن سهار /دوشنبه/ د پولیسو پر څو پوستو بریدونه وکړل، د پولیسو یوه اډه یې ونیوله، د هغو موټرونه او وسلې یې ونیولې او دې ولسوالۍ ته غځېدلې لار یې بنده کړه.

د نفس خان په وینا په دې بریدونو کې ۱۹ پولیس او ۷ د ملي اردو سرتېري وژل شوي دي.

له بلې خوا د نوزاد ولسوال اسوشیتید پریس خبري اژانس ته ویلي چې له مرکزه د فوري مرستې غوښتنه کوي.

پرون د هلمند په سنګین ولسوالۍ کې د طالبانو په برید کې ۱۰ پولیس وژل شول او ۱۵ نور ژوبل شول. (نور ولولئ)

نن سهار په زابل کې د وسله والو طالبانو په انتحاري موټر بمي برید کې لږترلږه ۵ تنه ملکیان ووژل شول او شاوخوا ۸۰ نور ژوبل شول. (نور ولولئ)

53 total views, 1 views today

Leave a Reply

Your email address will not be published. Required fields are marked *